深夜...

尋日9點就訓,不過12點就起左身.又係唔好運的一天,訓唔返.打下blog.你就想.大中華帝國唔比你上,無得上.

想上網.上網龜速,打機都無心情...打offline Single Play, 個Mouse 都壞埋.黑透了.都係打返下以前的blog ,打哂出黎.返到香港cut and paste 算.

想打比chan,佢應該訓左,算吧.出街?咁q夜可以去邊?

屈悶

屈悶,是一個不是太熟但卻騙了我很多次的人的口頭禪.他每次一說這句話:我就驚鬼左佢就offline閃人.我常常問佢,你咩都無,亦都有所追求點會悶?應該好好地去找你追求的"夢"她空有很多理想,夢想.但從來沒有好好實行.只是一天又一天地讓時間靜靜地溜走.屈悶.對我來說,悶...對我已經train up到有金剛不壞之身.已經可以trainup到一日不說話,一日都可以呆係到好耐都唔悶的鐵甲人.自己本身係電腦仔出身.好明顯地自己的人生就面對緊death loop.人生本來就係無限的無奈,chan 問過我很多次:你一個人點可以係大陸住咁q耐?我只可以答她我唔係好正常,有超乎正常人的意志,都已經唔係一個正常人.用一個鐵籠去牢牢地鎖著自己.但是不正常的人有一個不正常的想法.無聊的日子幾時可以結束?結束過著沒意義的日子.我是正常還是不正常?

無力

突然想到.人怎樣強大.怎樣堅強;總會有失意,總會有軟弱的時候.總想身邊的人支持自己.但是我的情況好像沒有 .孤獨地過,孤獨地面對,孤獨地解決.每解決了一個問題總會舒一口氣.但是另一個問題接著發生.面對一浪接一浪的"娛樂".總是耍出生平絕技不斷去強迫自己玩這個遊戲.那份完成的滿足感真的很好玩.但是有結果嗎?好像很多時都沒結果.

有些事愈想它發生就愈不會發生;有些事愈希望它發生,但卻永遠都不會發生.我心中一直都有幾個願望希望它發生.但自己明明知道發生的機會差不多等於零.基於很多客觀主觀的因素計出來.還有自己性格的原因.有幾件事一直都不希望不想它發生.可以說一直害怕發生.但卻明明知道總有一天會發生.其實可以避免,但卻避不開.人生就是這樣.亦都可以說是無奈.

封閉的國家

大陸真係好奇怪,不斷封鎖網絡的通信,用途係張制人民的思想.係!我真係無辦法完全破解到封鎖.用proxy又驚比人偷野.用Gladder都比大陸block埋,想download freegate, 係search engine到打freegate 真係會比個search result嚇呆左.可以封得咁透徹,如果政府肯用呢種心思去搞好人民的民生,我想大陸唔會係咁.搵左幾個鐘,我投降了.真的限制了我的思想?sorry,咁做只會另我更痛恨自己的祖國.一個經濟超起飛的地方,但是文化竟然停留係5千年前的封建帝王時代,只是以前是一個國王專政.現在是一組人專政,沒不同.既然張制我唔比我上網.可謂我係都要post出黎.今時今日yahoo goggle,等的大公司都向言論自由,資訊自由向大陸這舊肥豬肉低頭了.所有的資訊基本上都有了自我x查.會不會有一天在香港上網都是這樣的?有時幾慶幸自己是一個香港人.亦都對於自己係一個香港人感到自豪.有的是眼界,思想的自由和大陸人已經大不同.最少在香港要抓你去坐牢都要找個你犯法的機會.但在我們的大中華帝國是不用理由你就可以坐一世.

火車上

又係係火車無野做,有時都真係好悶.對著一車以為自己好熟大陸國情的港男,我諗點都唔夠我呢個大半個大陸人黎得更熟.我可以敢講我比大陸本地人對大陸的情況更加熟,無他既,工作需要.但係係同卡的港男聽到佢地係到討論大陸.有時真係好想笑佢地笨實.又話一個星期上反大陸幾多次.上黎去過邊到玩,哈哈.我就係上黎大陸幾多日.一個月有幾多日留係香港.愈聽就愈想笑.
我部NOTEBOOK都差唔多無電.好鬼累.每次返香港我時候個心就好想返去.但係體力上真係透支得好緊要.就死就死咁。成身的肌肉都好似無咩力，好想搵人按下就好了。有時。香港人真係成日都扮多見識，ＥＳＰＥＣＩＡＬＬＹ港男，聽到佢地真係笑死我。。又愎懶得同佢地爭論。廣深鐵路我就坐到有時想死。個個星期都坐兩獲。聽到佢地話。以前行８０。宜家提速，提到幾百公里。。如果幾百公里的話。個人估計應該唔使３０分鐘就到。深圳到廣州約１５０公里。有駕車的人睇下路牌就知。宜家廣深鐵路。我見過最快去到２１０ＫＭ好難見到再快。再加上唔係成段路都可以巳巳跑咁快。仲要停站，１個鐘基本上走唔甩。如果完全唔停站最快我都試過５０分鐘坐６點幾果班。真係無咩人又唔停站。超快。

下一站樟木頭，好鬼悶。就快想死。有時真係運氣問題。當然勤力係有時可以修補運氣的不足。有時感到自己真係獨支大梁。一個人無論點惡劣的形勢我都可以頂著。用盡可以做到的方法完成要做的野。尋日聽收音機，諸葛亮不是一個好的管理人。對，我都此為是。因他事事都親力親為，百事過問。而且他做的事一定會比指派的人更加好。我不是想自比諸葛亮的才聰。但無可否認現在我的情況的確如是。某程度上凡比他還要利害。最少我懂得比野人地做就只問結果唔理理你點做。總之做到。可惜真係蜀中無大將。身邊沒有有才能的人。想指派一個人去做少少的事有時都真係搞唔掂。迫貿於無奈要自己做返。但係這個就像一個無底的黑洞。不斷地做做做。想給人分工。但可分給誰呢？

前生的記億

岩岩又發果個夢,每次發呢個夢都另我好辛苦.
突然想到會不會是前生的記億.夢中的我在水中浸親.現實的我就同真係浸親無咩分別.鼻腔入面真係有浸親的痕跡.應該係因為我係夢中在水中.所以現實的我.亦都同時處於閉氣的state.不過最後夢中的我好似用某一d野去換取我生命的繼續.是什麼呢?我真的不知道.因果輪回雖然我唔係好信,不過這些記億又是誰的呢?

生活

生容易.活容易.
但是生活就不容易.
要生存下去活下去不難.最難是怎樣有價值地生活下去.
有生命有靈魂的人才叫做人
沒有靈魂的人->行屍
沒有生命的人->鬼
一個人生活落去根本沒有意義,只是為了活著.就活...干什麼還在活?不知道.只是帶著沒思想的屍體每一天重復做著相同的動作上班,食,睡.有的娛可能是對著電腦打兩下子遊戲.真的喜愛做的事.根本沒可能完成.另我想起蜜蜂這本書...書中的科學家自殺...就是看到自己每天只是同蜜蜂這種低等生物(他認為)一樣沒什麼了不起.但是我認為就是...每天呆呆就過一天了.儘管要做的事有很多.要管的事有很多.可能真的完成得好好.但是每件都不是自己喜歡做的事.對自己喜歡的人.只是不斷用一張面具去做.去干,去完成.沒有目標變得什麼都淡而無味.雞肋姐,食之無味,棄之可惜.生命變成雞肋...

珍惜香港自由的上網時間

有左家室之後有時都想返下香港,雖然無咩野做.但係睇下自己的"家",修理一下自己的家,同老婆整下野食,平淡得黎有味道.看到老婆由心笑出來的笑容.好像自己都開心了一點.雖知道老婆可能為了公司的事而憂心.但是奇怪的是.可能我公司的問題比她所遇的問題還嚴重還復雜.但是我都能夠放低.做好自己的本份就算.充份發揮自己係公司入面的角色其實對一間公司黎講已經係好足夠的事情.有時老婆始終都是緊張大師己人憂天而已.
今天的工作效率有點慢.只是修理好兩個冷氣檔雨.而且買多了很多料.唉.無計上次就唔夠.今次就太多.再黎就係堡左豬肺湯.原來真係好難洗.洗埋衫,當然要哂打左一陣波.其餘的時間大部份都係上網同打機.當然有放新的物品上網拍賣.香港上網的感覺真好.一按就有反應.而且全部網站都看到.唔同大陸的思想封閉.大部份的網站都唔比上.只要佢地認為有害.所以很喜歡在香港上網的感覺.
這幾天都有看chan 和connie的blog. chan 的blog 已經好耐無update 到.係大陸成日心思思想睇.但係就點都睇佢唔到.因為大陸封哂所有xxx.yahoo.xxx.唔知做咩.返到黎一睇...原來無update.可能現在網上的生意已經忙到佢透唔到氣.我見佢都應付得有d吃力.而且卑氣唔係咁好.connie的blog..只有係大陸記低個site.返到香港想上又唔記得左.不過佢都係果句太高要求,拿來辛苦.(當然有一步份係佢time management有問題.)到佢有一天醒來的時候將會無比痛...係心上的痛苦.寧願佢一宜"迷"落去.

今日去左樓下打一陣籃球.明顯地我的身體唔係好協調.左手同右手交錯的時間性錯哂.左手唔再可以同右手一樣咁快.但係主力量.右手好明顯慢落黎.成個人就係慢左.睇黎要keep 返個人的速度同反應要開始有計劃地運動.但係想不斷加重自己的運動量又引發出右腳失頭的問題.真係激死.

冷眼旁觀大陸人

係大陸生活的時間耐左有時見到的野好奇怪.

又係KFC篇

自從上次係 KFC大堂見到老鼠後我唔係無再去KFC.只係唔再去果間KFC.今次去左另一間KFC見到兩個好得意的情況,就係大陸人的錢好易賺.因為大部份都好無腦.先講呢間KFC係佛山一個商場新開的.所以我比較有信心 .一去到.呢個KFC算係有rules.個個都排隊,但係照例個個大陸人都想快.所以都幾迫.但係我就見到兩個成年人一個約十歲至12歲的小朋友係到買野...我再望一望佢地張枱.佢地總共有十個人5-6個大人5-6個小朋友.小朋友每個約十歲.好搞笑地.佢地食既野二十人都食唔哂.佢地總其叫左10個 set + 10支粟米 +20個餐包+ 10對雞翼...好恐怖.除非佢地個個都好似我咁大食.如果唔係無可能食得哂.最少食餘下5個餐的份量...但係佢地係KFC入比個經理Service住...唔想講佢地有咩唔岩...諗下好多地方的人無野食吧.

再講我排緊果條隊.我個人岩岩起身都幾肚餓.但係都叫幾靚係到等前面的人.個收銀姐姐都叫幾快.我仲係酊諗會唔會我係最快的...講下企係我前面的係一個14-15歲的年輕人.但係比我高-_-!.再前面係一個三十幾歲的婦人.三十幾歲的婦人好爽快就點了兩個餐.收銀亦都很快就搞掂.係呢個婦人點的時候我已經決定了我食咩..但係到我前面的年輕人時..佢一行埋去唔出聲...casher問佢先生想食咩?佢對眼一片亡然...等左幾十秒個casher都唔耐煩.M先生不如試下呢個XXX飽...好呵要一個...之後又是幾十秒...個casher又講不如試下呢個 xxx飽..呢個情況足足repeat 左差唔多十次..佢一個人買左三個飽,4樣小食.兩杯野飲.用左最貴的價錢食最少的野..全部散叫無discount...佢個樣好呆.諗野亦都好慢好似無大腦咁...一個人...叫咁多野食..我唔係好知佢點食得哂..

好...等左個呆仔買完之後.到我..我用左10秒就講完我要既野.個casher亦都好醒我講左一次佢repeat左一次就去拿.前後唔夠一分鐘就搞掂.做成強烈的對比.我買完的時候...排隊的位已經空哂.我係最後一個...咁我就坐低食野...我一坐低就見到個男人衣著都叫幾光鮮.好似好型..點解我會留意佢唔係因為佢著一件假的adidas.個adidas 的logo手工太粗啦吧?係因為佢背著一個我擁有的LV.但係我看了十幾秒我就肯定係假的.看出幾個地方和我那個不同.一想到這裡我就想到隔離廠的老闆娘...是一個超A迷.其實我都唔知咩叫超A初初.國內人士產權意識薄弱到呢....就講LV Gucci herme等等對於佢地黎講超A就已經係真貨.超A的價錢係大陸賣一千元吧.之後就係A貨.約700-800.再之後就係假貨...200-300不等...咁都有得分-_-!?對我黎講.只係有真同假之分...有時真係比佢地激死.對於一個約4000-5000的真價...點解要買個千幾蚊的A 貨..真係奇怪奇怪 加奇怪...仲要周圍話比人地知係A貨...可唔可以講做厚顏?

六四的又再次漏水的一天

今天工作不太順利,但係都叫排除了困難,但係做到約3點.一個0757-打電話過黎.邊個呢.佢問我係咪住係XX閣601.我話係.之後:你屋企漏水漏到成棟樓都係啦...我答佢:又漏...頂唔係掛.邊到仲有位漏?講真聽到果一刻真係幾唔開心.點會又漏嫁?
返到去.又真係我漏喎.邊到呢?睇睇兩個廁所地下仲係干,唔係佢地.但係成間屋的水已經成寸深.一睇到的時間真係想哭出來.又要有排做.再搵..就搵到廚房的出水口條水喉軟管斷左..咁都斷得?未見過咁斷法.事實都已經發生了.唯有找解決的方法.先解決去水問題.開哂所有門...真係好大風...開始推水出去.做左幾分鐘..就有人扣門.一開門:管理處職員1名+樓下髮廊兩名.一開門,佢地入黎睇...果兩合髮廊仔我就對佢地好反敢,好似當自己屋企任睇.佢地就開始講佢地的損失.但係我無采到佢地.心情真係好差.仲伙到講講講.我好唔耐煩咁同佢地講.你地可以走.有咩等我搞掂先講.關門就無理佢地.就咁就用我的計劃兩合鐘就已經清理好大部份的地方只餘下廳.我的心情亦開始平衡返,亦知道利害.打落管理處叫佢上來佢上到黎.我好簡單問一句:你地果到幾多公.佢話唔知.我答佢:我都係生意人.你唔好答我唔知.你宜家答我唔知.咁即係唔使我陪.出個價你覺得合理我又覺得合理我宜家即比你.如果唔係我一個仙都唔比你都耐我唔何係咪?我宜家又唔咪話唔負責,只係大佬你話換左先知,到時你換左10萬都得.佢又係到大我.我又回佢,唉,你覺得幾多?佢又係到一大堆費話.我話5百!佢又係一堆費話...我話你話唔到事搵個話到事的上黎.佢就打左個電話係到講講講.講完佢話一千,我話8折啦.拿出8舊水.比佢.佢就走左.之後做到差唔多6點半.就基本上已經完完全全干個地.老婆買回來的掃真係好好用.如果唔係都唔知用咩快.干哂個地亦都好干淨.好興幸當日無換反返木地板.即刻反公司拿返車去買配件整反個水喉.全部都要頂尖貴的雹件買左成兩舊水...回來整好哂水喉都好似係漏漏地...頂~~係時候要做善後工作...開始哂干兩張床肉...再摺好所有衫...又要開機洗所有濕左的衫,地毯,被等等.....岩岩setup好臨時的床係廳....又要做廳長幾日...講真...每次出事個心都有少少嬲表哥...不過亦都可以講自己的疏忽.亦都可能是能者多勞吧...23:40

書中自有黃金屋

看完一本書.書中說的野真係好大部份都岩.但係得不到一般人的認同.但我本來就係一個唔普通的人.睇的書一向都唔係正常人會去睇.一係就好深,深到傻得左,一係就偏激,偏到為社會不廳接受.今次所看的是好客之道.係雜誌上睇到佢係講嫖客的觀點同角度.佢地所講的野好多都係岩.但係不幸地不為呢個外表開放內里封閉的社會接受.所以佢地都唔敢"出鏡"

其中有幾段都寫得好好,亦反映左社會很多的典型例子:

"有愛必有性,有性可無愛"是馮先生的金句,雖然有愛都可以不一家有性,但從馮先征的訪談中,可看到他最真的一面.是認自己的感覺與要求.試問,有幾多個男人可做到?已一年多了,馮先生對前妻仍有不捨.卻要分開.他感無奈的是妻子前多年對性生活已經不感興趣.同床愛撫已消失不再.

"睡在同一床上,但不能觸.根本就沒有做夫妻的意思了.如果只是朋友,不允許跟我去做,便來得理所當然"

他認為有愛必有性,如果沒有性時,那就幹脆分開好了,分開以後比此不再為沒有性愛關係而感生懊惱,而自己六可大條道理找別的女人,包括及生感情的.可是自己年事已高.對情感的性愛關係不大感興趣吧.這可來自他"生又累人,死又累街坊"的想法.

睇完呢段野係佢黎講都幾矛盾.對.真係幾矛盾.咁又可以點呢?