廣州第一次坐巴士(公交)

今日機緣下終於有機會坐下廣州我地中國大陸的巴士.
今日去果到,無駕車,坐地鐵又勁遠,又無的士...最後試坐巴士...等左成15分鐘先有我要坐的巴士.
上到去..單層5點幾,極多人係個巴士到,真係迫到傻面貼面.好彩我都係一個幾惡形惡相的人.最慘就係個"公交"都真係幾臭成陣汗味,而且個司機的開車技術真係出神入化見燈衝燈,個Engineer起步的時候真係轟轟聲...我找到一個位置坐下...講真我真係幾累,由香港坐車上黎再坐下公交..好想睡但係一向聽人講公交危險都係唔好訓.睇下部車開得真係幾危險.本來15分鐘的車程,足足行了1個小時才到....真係西利...
下次都係咪搞

我的身體你出了什麼事?

身體的機能好明顯的知道真的差得不能再差...
走兩步就氣喘,鼻子的不受控制,兩手兩肩的痛,心臟痛的強度同密度不斷增加,不斷的病...最慘的一種就是身體雖然極累心加身,但問題是累但入睡不了...
除了,她的身體可以幫我更易更熟地入睡好似別無它法.
好疲倦,不斷的工作工作,回到家中,這個其實不能算家,只算是一間屋,全無生氣的"屋"只有我驚人的忍耐力先可以忍受這樣孤單,這樣沉悶的環境.不能和別人發生任何關係和感情是我先決的條件..有了感情關係工作起上來就會顯得博手博腳.因為個人的榮慾付上公司..我做不到.但有很多人做到..所以今日cherry問了我一個好奇怪的問題,她應該發現了...她問我:你覺得工作為了什麼?如果我是五年的Wing..我會答你開心和錢...但今日的我:我直接了當答了她:錢!
我想她應該完全明白了.而且亦都可能因為咁..我亦付上自己的身體...但我的身體你是我的...我有強橫的意志,亦都要你幫我.請你和我合作吧

藥煲

岩岩出去飲左杯水...見到滿枱子都是藥...原來我真係有4寶
一寶: 4大天王藥,可以醫常有的病,什麼發燒感冒全都係食呢4隻藥又可以叫保命藥
二寶:必理痛,成日都頭痛..真係無咩計..但係一食即掂
三寶:天王補心單.中藥黎講,呢隻藥真係好霸道,夜晚食完真係唔使訓.日頭食完,無論我幾累都好都仲可以maintain一段時間精神d..其實即係借左d訓覺時間去做野...到完事唔食..就要還返d時間比身體
4寶:之腎單/神秘中藥: 呢兩隻其實食左真係ok..藥力唔夠天王咁勁,但係好明顯體魄係強左,但係亦都有後遺症..只不過我無得考慮咁多.
無左4寶真係幾慘,聽日係食天王的時間...太夜訓,但係我又要短暫的精神.

香港貨Made In Hong Kong?

近這兩年大陸湧大批香港XX,香港YY,香港ZZ..什麼都加香港兩個字上去.更唔好講位於東莞的爛尾樓"香港商場"
先講筆者今日的經驗..大約下午一點筆者在佛山十分肚餓.正當駕車找東西吃時.見到路邊有間快餐店打正招牌"香港漢記乂燒".
心想:咁搞笑?我係一個土生土長的香港仔都未聽過有間野叫漢記.就入去試下橫掂個肚都頂唔順.一入到去大家樂經營的模式,無所謂我地呢d香港仔都慣左.但係大陸人好明顯唔係好慣排隊買野...爭先推後...個收銀又慢.我呢個香港最後等左15分鐘先買到飛.就食香港乂燒飯睇下你有幾香港?
買完飛搵個位坐低先唔好講食物得唔得...環境係香港普通快餐店的環境.人手仲多過香港幾倍,收碟都4-5個.香港頂多咪一至兩個.但係有咁既設備無用...個枱Dirty到無輪...再睇下地下...成地都濕的...又有口水又有湯都無人理...不過都入左黎唔通走人...一坐就係半個鐘都無野食...我不停咁吹半個鐘後仲要自己去拿.前前後後連買飛用左45分鐘先開始食...食物的質素...先講乂燒...唔好講容記,唔好講大興...係香港是旦一間街市的乂燒都好食過佢百倍.再講飯...干到好似d水好貴咁加多少少水煮會死...筆者實在太肚餓食左少少頂肚5分鐘就食完閃人...
前前後後成個鐘...我睇唔出有邊一到係可以用"香港"黎形容.
先講食物質素:差幾十條街.香港好食勁多
再講Service:大陸係人手好多.香港係人少...但係都唔會好似大陸呢間野:咁亂,咁慢,咁Dirty.
再講環境:係我呢個半邊大陸人先忍受到咁既環境.香港大排檔都唔會咁Dirty,個碟邊好明顯仲有條黑邊未洗干淨,個裝食物的盤成碟都係湯(不過我個餐是無湯的)
我睇唔出有邊到可以用到香港兩個字來形容.咁點解要影衰我地香港的美譽?
君不見"香港制造產品"在大陸比比佳是.香港有生產面膜紙嗎?有生產紙巾嗎?...每天我在大陸中的Supermarket行...什麼"香港監制XXX","香港xx月餅", "香港xx"...一大堆所謂香港制造的東西.....大陸人呀大陸人...你們幾時醒?香港這個地名是質素的保証嗎?不是...最少我不認為..但很多人認為MADE IN HONG KONG就係質素的保証.....
香港政府有做過任何事情去保護我們"香港人","香港制造", "MADE IN HONG KONG"的金漆招牌嗎?約干年後香港不會再是質素的保証,只是輪落到Made In Hong Kong就等於假貨的地步.

又一次結束

十月五號至8號又係我要返大馬的時間.又係展會開戰的時候.
今次的展會有d唔同,就係我地今次不再有優勢,仲要係前所未有的劣勢.兩隻櫃全部在櫃中,要有的貨沒有...
大腦不停活動想柳轉劣勢,唯一有樣野,真係上下一心.成績計Cash
1st: 13400
2nd:13500
3rd: 20000
4th: 30000
不過不失的戰績係"百無"的情況下,用餘下的舊貨去打仗做出這個成績的已經十分滿意.不過商場上的仗真係好激烈,Magicboo仲未意識到,這個市場上不是只有我同佢,仲有Salon Exterprise, Boon, 陳生等等...今次的展會平心而論,他們未至於係大敗.但係佢地公司現在咁既情況下,絕對可以講做失敗.其實宜家好多野都對佢地好有利,只不過佢地唔識用呢點去攻破敵人.而且仲比我地同Salon Exterprise 有機可乘真係低能.展會上就最現實,好生意同唔好生意好易睇得出,多人拿著你的膠袋買野就係即係好生意.印象中,Salon enterprise同我地今次應該係大家都咁好生意,Magicboo跟著我地.面陳生同後面果條友Beauty Sky 就三...半衣就慘...大敗...