外星人

一向都係用"外星人"自稱.
點解?岩岩路過一個年輕女生的blog.入去看看她所寫的東西.先不計文字什麼"俄嘻噯點走點"真係睇幾次先明...再睇佢個內心再睇佢的相...噢No 唔通我真係同個社會脫節左?其實唔係同個社會,可以係同成個人類脫節.
前幾日見到一些普通朋友談起來問我平時係大陸除左包二奶和嫖之外有什麼好做.
我答他我沒有二奶,亦沒有嫖,每天回家打下機上下網做下野好快就一日.他好像見到外星人一樣...你唔係掛唔信....再講講下.
佢話你就好啦.大陸睇波唔駛錢.電視一開就有得睇香港要比成3百蚊.我再答佢:我屋企無電視,補加一句唔係無電視係有電視無信號因為大陸電視只洗人腦不想被洗腦,而且現在的電視節目看得多都變白痴索性不裝.我講完呢句佢好似見到精神病人一樣.我答佢有咩好奇:我係香港都係唔睇電視,開著電腦的目的只是"聽"新聞,"聽"財經.因為眼睛很少會回到電視上.再說晚上陪內子看電視聽歌的時候電視上的人十個有9個半都唔知佢係咩水.做戲的水準真係中學時期校內的水準都可能比他們還好.
今日在網上再見到一位都有些想念著的故人,問他現在在那?他回答說柳州,我問柳州在那?他答:柳州最出名是棺材你都不知道在那?我再問那可否幫我訂做一副上好棺木要多少錢?他即說:我都不知道呵我平時都不去看那些東西的.高下之意即是對這些避諱.我就和他說人總有生離死別,何必太過介懷買定一個又便宜又好的棺木給自己都是一件好事.自己先用就固然是賺得了.如果不幸父母先去.又可以用'熟客價'去殺個價再買一副給自己.他回答我一句你總是說這些不吉利的說話.就下了線.我就想回他一句.沒什麼吉利不吉利的啦,文化不同.
發覺很多事情,東西的想法已經不同"一般人"更有一些是根本就不是人的想法.例如,人類本應就不應存在.如果人類消失,可以令上至北極熊,下至單細胞生物得以逃過絕種的命運.日本的核事件人人都在想著那些人怎樣慘,怎樣去"夠"那些中了幅射的人.日後怎樣去防範同樣的事情發生.身邊有多少個核電廠? 我就在想這件事其實本應,絕對會發生,只是日本不夠幸運而已,爆一個不夠吧.爆多十個總夠把一眾像白痴的人類醒來.想一下人類做下的惡果.人類應該 defend人類吧?所以可能我真的是外星人.

昏君?

剛剛放左整整一個星期的假.其實都不是假.只是沒有回到辦公室.在家工作,而且修理了家中很多東西,準備小生命的來臨.
每天都是起床,工作一會,食,做私人的事.訓...每天如是.前幾天有個朋友三缺一.叫我去"鄧腳"好吧...他家都離我沒多遠.走路去.其實一出門後就覺得自己有些不舒服.只是算吧.應成左佢唔舒服都去.在路上對著猛烈的太陽...望一望天上的陽光..很刺眼.慢慢地行去.一路上在出神... 公事的電話又來...原來公司中有一張超過一千萬的合約我必須要簽,如不簽就行動不了.說了兩說我說:真係煩,是旦找個二打六幫我偽簽就可以啦.律師說不行...我說叫律師去香港比我簽啦.就這樣說吧....再說多兩個公事...沒聽在心上...收了線後...又在出神...
出神中的十多分鐘.突然醒來,我什麼時候變得這樣昏庸?這樣子的態度是什麼樣子?這樣的是為人君主的態度嗎?如果他日我的老闆是這樣子,在下面的人有什麼感受?想到這裡背上一陣冷風吹來.出了一身冷汗...唉,算了吧,公司的生意很正常就算有沒有我的存在,公司還是會自動運行.想到這裡就到了和朋友打麻雀的地方.出神地打了幾小時.這樣子的去打麻雀當然敗的機會極大.算吧.幾百塊對我來說太少了..沒放在心上愈打就愈熱.8圈過後我發覺我發燒了.和朋友說聲不好意思.反正都是我派錢.我要走,他們都沒意見.今次是打的回家.回到家中立即收拾行裝返回大陸.準備明天的工作吧.在火車上想想想.病中想著:我真的是一個昏君嗎?其實不是,我才是一個明主.知道每個職員可做到的事.他們在做什麼.只是我自己卻什麼都不做.連動一下都不想動.這是昏君的所為還是明主?

慢長的一年

這一年應該是一個慢長的一年
公事,中國的工作應該會愈來愈少,直至有一天可能會完全撤出中國.
一諗起呢到其實有一份感情,對左"南海","佛山","廣州"都甘多年.至於收入又真係無少到.呢個就係做老細的好處.馬來西亞果邊的sales上個月仲倉左新高.不可見的未來最後應該是無左大陸呢個Office,再閃人.不過一想到呢到..真係煩到傻.果到既野真係多到呢..只係計Office全部野搬返馬來西亞都頭痕.再諗下,如果撤離,我第一個買下的物業就留係到都無價值,"賣"係唯一的出路.賣已經係一件煩事.再諗下屋入面有的衫.物資等等.過左兩個屋企的生活甘耐.突然變返一個屋企.咩都係double左到時又係有排搞-_-不過明天的事明天才煩吧.憂慮,其實憂慮不了那麼多.
私事,老婆有左身紀其實很值得開心快樂,我當然感到快樂.
但是看到老婆辛苦的樣子又寧願老婆輕鬆一點.再想想日後的支出,對於很多人來說是個壓重的負擔,對於我來說?可能都有點壓力吧 .不過沒一般人那麼大. 再想想BB出世後怎樣去養大佢成人.其實呢..不簡單呵.老婆都好像十分擔心,不過試想想以我的能力其實的起心肝去計劃,準備,行動一件甘少的事情會做不到嗎?只是那些事情不值得憂慮吧. 給我三天時間去準備那些"死物"是很足夠的啦. 想一想一個獨自來港白白痴痴的台妹都可以搞得掂兩件.我地兩個甘醒的搞唔掂一件嗎?
個人,我的身體...你還可以支持多久呵.

買LV

清明假期幫個國內朋友買LV,國內很多朋友都喜歡用/買LV作為身份的象徵.
小弟不才,十年前已經開始用緊LV,現時仍有保留的LV包括
N60895超經典銀包(好鬼舊啦-_-等緊人送過N60011比我)
N51994body pad(超新,無咩用放到銀包就放唔到野,但係好多後生仔用,我果時都係後生仔一名)
N45255Naviglio (呢個bag真係好用,又型仔,果時買都係5千幾,宜家買要成8千幾痴線-_-不過唔好既就係A4紙都放唔到即係放唔到notebook)
N45258Bastille (呢個bag對於我有某些記念的意義,個金屬扣睇起上黎就型但係用起上黎好鬼煩)
今年係airport呆等的時候,當時睇過一隻N51211brooklyn呢個真係又型又好用,新出的果時要8千.果時都有個衝動想買,不過買之前很想買,買之後又唔係成日用,而且家中唔計LV都仲有好多bag可以背,而且LV宜家背出街又真係...都唔係幾舒服.今日見到9千幾(又貴左)但係叫我幫手買的朋友都叫是一名好友,買自己的"心頭好"給好友都好吧.就你啦.

垃圾國家,政策,人民

愈來愈不太喜愛留在大陸那邊,無他既,在國內生活真係激到死-_-
就是一個很簡單由廣州返香港的動作就可以看出國內的缺點.
先由公司去廣州東站,沿途都無咩好講,唯一值得提的就係,地鐵中常常有大陸人提到去香港玩,買東西好像已經變了他們一個日常生活的指定動作,常常去香港購物的就是有了無上的光榮,聽到幾個國內女生的談話真係想死-_-無知識到近乎白痴-_-帶一部手提電話過境走去海關申報-___-!又話香港的野有幾靚有幾好.係?甘我呢個香港人咪有無上的光榮?
一去到火車站就體現到一個國家可以腐敗到這個地步.本來東站所謂的安全檢查已經係十分兒戲,過一過X ray 再過金屬探測儀.一個一個地過.如果真的有人要襲擊火車站的話真的有那麼笨把炸彈放在袋中嗎?現在的水性炸彈,塑膠炸彈貼身而藏,根本就不可能防-_-無所謂你係要查...呢個係你的權利.本來分兩邊閘口共8條檢查通道.變左單一閘口4條路..仲要有一條無開.
即係得返3條...條人龍...一條最少500人...都係計.係人地國家應守別人國家的紀律.乖乖地走去老遠的龍尾排吧.我這個國外人去龍尾排,但是有更多的"國內人"不斷的前面佔隊,粗略估計我排左大約15分鐘應該超過100人佔隊.其實由隊尾排真的有那麼辛苦嗎?真的要把自己國家掃光光才安落,我這個看不慣不公平的事.看到當然大罵.但是更不高興的是.佔隊的人沒反應裝聽不到,所謂為持秩序的警察亦裝聽不到.那麼什麼叫秩序?
這算什麼?由國家,政策,人民,由上到下都是這個樣子.我真的不禁就一句垃圾.
很多人可能很不喜歡,更會罵我其實很少事.只是你太過憤青吧.不是看看近於我們幾個國家別人的經濟可是追不上中國的.但是人家的素質都是為持最低水平都比中國的高.如果你沒做以上的事可以免除"垃圾"這個稱呼吧.不過睇怕可除的人真的太少..