不願意

人生有很多不願意
有不願意見的人,不願意做的事,不願意去的地方.
為左你,近來我做了很多不願意做的事.
不願意結婚的我,明知自己家庭的復雜,亦知道結婚很煩,很多事同時要做.但最後做了.
不願意買樓的我,明知買樓就等於以後和銀行打工,亦知道買樓本來就是一件很笨的事情.最後都是買了.
不願意影相的我,一向都知自己影相入鏡頭很難睇又唔係好識擺post 屎.最後影左兩次.
不願意Take Care 別人感受的我,最Take Care就係妳.因為妳,再不願意做的事,再煩的事,我都做了.妳還想我怎樣?

失誤

對..近來有著連還的失誤...不太明白點會有呢d失誤.
東田洋訂多貨,祥興訂多貨,1003訂多貨.真是一連串的失誤出現...真係失敗...
再講又係一連串的黑仔.鹽水比錢幾萬年都未有貨,INJEX, laser 機修完寫錯名...一連串的黑仔野...
唉

眾人皆醉我獨醒

一個寒冷的晚上.一個作晚飲醉了的我.早上4點.突然張開眼睛.用影片的拍攝手法.其實好恐怖呢個情況.再睡不下去,近來有幾件極度COMPLEX的事stuck係呢個moment.首位為買樓,次位為結婚,三位為公司,四位為家庭問題,五位為錢.如果一件事,只是我一個人處理的.可能會很好辦,但是這個世界上叫interaction.整個地球沒有事係不會影響到別人.當有事會影響到其他人的時候就會有interaction.即係要同自己而外的第三者商量.
突發性的醒來.沒辦法,唯有用呢d畸形時間去做d想做的野.當然是由最煩,但不代表最難搞的事開始做.看了差不多一個小時的所有"搵樓網"讀了所有關於呢方面的information之後.得出一個結果,其實賣家同買家的角力真係好激烈,只是等一個trigger.
市場上典型的賣家係呢個價錢又唔想賣,但係佢明知個市係到跌緊.個心又荒唔係迫著賣都唔會係呢個時間賣.
而典型的買家,即係我呢d又係明知個市跌緊.想係最低的價錢買到最高的質素.當然呢個係心理的攻防,引至近來成交的數量極少的原因,新聞上 所說的會下跌幾多個10%,幾多萬其實都係廢話,真的有下跌了嗎?好像沒有.實際的下跌都沒有trigger到,可來會有真實的跌幅呢?呢場賣家同買家的角力,只要等到有trigger point,就好像SARS, 經濟極度低迷,買了樓的賣家根本沒有收入至要賣樓已為持生活才會賤價賣出,真正的跌價才會出現.但一個低能的政府又怎會看得見這個point.
說實在,用現在的經濟+生活指數來說,樓價真的高得驚人.一個正常20年樓齡500呎的單價索價200萬.當做7成樓按,先付60萬元首期,再分20年還銀行.每月供款都要8千多.想一想,在香港兩口子能夠找到兩人加上來3萬元的兩公婆,可能好正常.30000-8000元...再減去生活費用...其實都幾恐怖個價錢.再想一想這個時期如果突然一人加入失業大軍.後果會是怎樣...我的政府這個問題你怎解決?

夜晚突然的醒來

一件很慘的事,很多事情都是不願意下.但是發生了.人愈大發覺可以控制的事情愈少.我們可以做的事.只是調節自己的心態.試問誰人可能一夫當關,什麼事情都會因為"他"一個人去改變?不能說沒有,這些會有,但是很少,最少我認為我和你都不是.  

兩個傷心結婚的人

當那一刻決定和你結婚的時候.就部署向外放風我結婚的消息...
當她和她收到這個消息的時候...我估不到的反應是..她們出奇地傷心.一向都是保持普通好朋友的關係.今天在網上面...看完她和她的blog.
她說了:好像錯過了最佳的時機.最佳的人選.
她知道:我說給她婚訊的時候.那個酸溜溜的感覺.才發覺已經不知不覺愛我上.
我已經選擇了最合適最愛我的"她"了,她可能不是最美的,但最少在我心中是最美的.她可能不是最好的,但我會接受她一切的過失.
對不起,你和你

切除毒瘤

原來口口聲聲話唔會影響你的野.原來係到影響緊你,只係你唔知.
今次我下定決心介除玩mud的習慣...無錯係大陸係好悶,但係玩mud consume左我的時間係遠遠多過我玩佢的時間.係hkmud入面可能有我需要的野,有支持我的人,有反對我的人,亦有大量好搞笑的人,打發大量的無聊時間.但同時亦都影響左我正常的工作時間.會時時掛著個mud係到發生緊咩事.
今次係mud 入面我的自殺可能是一件大事,亦都可能係不值一提的事.但是自殺了的第二天.我發覺工作的效率高左.可能係我本來已經full loading.仲要抽少少時間去睇睇個mud 對我黎講都係一種loading.無左佢的第二天個人真係好似切除左一個毒瘤.好似從生一樣.今次的經驗係人生中上左寶貴的一課.係不同的地方每個人都有佢不同的角色.我係公司入面我叫Wing係人地老細,講一句人地就要聽就要做.唔好就要炒.係家庭入面我叫曾xx係人地的好兒子係人地的好弟弟.管理好家庭的係我的責任.
係Internet上面好多人叫我Student/Roc, 係hkmud一個老手,係幾個forum的神秘老手/高手.我都唔係好明咁多身份的我分唔分身到,脫離一個身份真不容易.係自殺果一刻真的很心痛.離開一大班朋友.但是在呢個純文字的遊戲入面付出了差不多6,7年的時間認識的人太多.但現在control唔到的原素太多.而且不太喜歡變成無政府State的遊戲入面9反state.見到都想嘔.比真實世界中的而愚我炸更加"現實"我還是用一個認真的遊戲態度去玩..只是換來慢罵.再玩落去都無意思.再見!所有mud的player 再看不見你們的student.我還是一個你們完全未見過的神秘人.

大陸愛之屋水浸

原來一個安樂窩唔係必然既.今天應付完一天繁重的工作...5點多收到管理處的電話.話我屋企水浸.我話點解既?(即時回憶是不是自己沒有關水喉呢?)應該不是...無理由會有低等錯誤的發生...我咁細心的人...返到去一片狼藉...全屋都係水無一幸免....我停左5秒鐘開始諗下點做...先搵出水的源頭...係管理協助下用左5分鐘就搵到源頭...原來就係果個值成千蚊的馬桶...突然又係佢 !!唔明白點解佢水件要用膠...膠爆開了...水就去到全屋都係...找到源頭...但都沒法..未能即時修理.再次關上水制.叫兩大左右手上黎幫手善後...首先當然係開返著電.....先搵返走電的源頭...拿起所有Power Pad(拖板),拔了所有插蘇...開返電..有返燈..用了10分鐘..真係好多野插著電原來一間屋.開始工作...先張重要的野.For example ps2, computer 等等清離現場....
開始拿走木地板...原來真係好多野要做...再用鏟,鏟走d水...三個人足足搞左兩個鐘...搞掂...送左佢地走...開行冷氣吹干個地...之後我再出去搵人整返爆左的地方....再返公司做埋d手尾...再試試搵人上黎睇睇做返地塼幾錢...最少都要成3000蚊...返到屋企沖完涼...望望個鐘12點....一個人面對著本來好靚的安樂窩,變成一片泥水地頹垣敗瓦..自己仲要再次訓梳化..真的很想哭出來..想打比Chan...當然你唔通...你已身在日本(你一離開香港我就出事,點解點解?)再打比好友Dogdog-沒人接,Connie-沒人接...天呀..點解每次我面對黑暗的日子..都要我一個人去面對...
沖完涼就自己再執下間屋..洗了水浸..浸濕了的衣服.床舖等等.

慢長假期

慢長的假期終於過去左,呢個假期有好多野要諗,但係係無結果的事.
有時人生會有好多好多的無奈.好多時另到你唔知點做.一個又一個無奈發生係你面前又點樣?好多野我都expect 到個結果會係點.但係明知個結果係咁.又點解唔去阻止?試過唔只一次去阻止Expected Result發生,但係都係發生了.每次expected result出現的時候我都好內疚好自責,點解唔去阻止佢的發生.基於好多理由.好奇怪任由我點做,點去努力去改變.但係都會因為某些事情,最後都會發生了.
理由有很多,要顧及身邊的人的感受/眼光,要打理好家人的生活,最重要就是妳的感受.
但是我呢?邊個顧及我的感受?我的生活?我看得見我自己的將來,自己的expected result了.沒有迷霧了.但是我不喜歡這個expected 的將來.又有誰可來阻止?

香港的畸形生態-致雷曼兄弟迷你債券客戶

逾千雷曼事主 擬周三圍立會 議員宣誓就職日 促向政府施壓

睇完呢段新聞+再加深了解完雷曼呢件事之後,亦都係網上同朋友討論過呢件事.發覺原來香港都真係好畸形,原來多人中招+大大聲就即係岩!就會有人理會.就算你的要求係幾無理都好.
成件事點發生好多人都知係點,都唔多講.只係想講下做個比如:
果d所謂的客戶簽左名用"真金白銀"去買所謂的迷你債券,宜家虧本虧到一蚊都無..係!的確係好慘.要向賣出呢d債券的"銀行"(其實佢地都係零售的角色)要返之前的本金.
又講一個客戶係聯交所的股票市場買入一隻股票,果隻股票跌到停牌,仲除埋牌.d股票即時變廢紙.個客係未又要去追討聯交所,要佢地買返呢d股票呢?
宜家虧左本,個個唔想虧,人之常情.但係要求銀行買一埋廢紙返去又真係好過份.好心係地清醒下,唔係下下大聲!好慘!就代表"對"!
宜家虧就要追討!賺左?你咪要比返銀行?
仲叫政府介入,有咩好介入?股資的野唔係賺就虧.仲有d仲好笑,話唔知自己簽份野係咩黎,以為係"普通定期".大佬!法律係人都知"唔知唔代表無罪".我唔知強姦原來要坐牢,我唔知搶錢係犯法要坐牢....你唔知份野係咩,可以搵識的人解釋比你聽,再唔係搵律師.就算份野段字係十分十分細,佢又無唔比你帶埋放大鏡去睇.大拿拿最少都幾萬至過百萬不等...咁都唔睇清楚,真係抵你死.
最後講返班銀行仔.又真係幾聰明.唔回應,唔理你,又唔陪錢.雖然係賤格.不過佢除左咁做又可以點呢?唔通話,對唔住你份錢已經無哂,我地亦唔會陪錢比你地,安落了?講真,如果我係班銀行仔我都會咁做.大佬,關我咩事?錢你又心咁情願拿出來,名又係你簽的.我幫你轉手比雷曼賺個回扣,宜家仲要我陪特?點掂?
PS:雖然好多人都可能買左,但係我講的野都係實話實說.唔好嬲
再PS:我唔係係任何金融機構到工作.只係睇到件事睇唔過眼.呢個弱勢政府又咁落力去幫手-_-!遲d可能玩股票虧本了問政府clam 返.

AOM的假期之亂哂籠

生理時鐘亂左,好多野都亂哂.今次係我做生意而來最長的假期.亦都比買貨那方面休一休息.支出多了.但是收入有沒有多呢?好像沒有.好像沒有人察覺的問題,我一早察覺到,不過有時我察覺到又怎樣?可以怎麼辦?
每天受的壓力會下降嗎?好像不會,那怎辦?真的不知道.直覺話比我知要先自保.又可以點做?有時高IQ,高EQ的我都唔知點做,可以點做?
右手的傷開始好轉,但是還是有點不順,左腳的波羅蓋好奇怪.同右手一樣又係唔係好順的感覺.

Chan如果你在我身邊多好

如果告訴你,有一個女孩子和我說這一番話你一定很膽心:

wing ，真的``我今天真的鼓了很大的勇氣告訴你我心裡真心話 ``一年多以來 `我沒能忘記你，每次只要訥訥感聽見你的聲音我總能從失落中走出來``總想打電話給你，時刻都想打給你，但是每次你都特別忙，真的`，我常常心裡想和你在一起那中的感覺，常常希望呆在你身邊，哪怕是我從那種場合中走出來 ``辛苦的上正常班也好，只要能呆在你身邊，上次你那樣對我, 我心裡真的好疼，我不想是那中普通關系，真的，我漫漫發現我特別需要你的存在```我不知道這算不算是愛上你了``我好茫然，今天我等了好久終于等到了``說出來了也許我心裡會好點 `我等你的答案，你不用現在回答我，等你想好了再告訴我，記得好好照顧自己，一定要

但是夫妻應該坦誠相對,有一天你發現的時候還可能會有更大件事發生. 看完這一番說話之後你一定會問,果個係邊個,我係唔會話你知的.不過我已經回答了他一個答案.我已經快為人夫了.或者她不是一個完美的人,但是最少我是需要她,她亦需要我.我們真心相愛.對了係呢一刻我真的很想你.

北京奧運閉幕2008

岩岩睇左北京奧運的閉幕.亦見到4年後2012年倫敦奧運的歡迎function.2012年.4年後的今天,我會是怎樣?這個世界會怎樣?這個世界還在嗎?我還在嗎?還在的時侯,我會是怎樣?有了一個完整的家庭嗎?會有小朋友嗎?很其待下一個4年的來臨.  

又睇立法會選舉的辯論-民建聯=民賤聯

咁岩有時間係大陸的屋企又咁岩返到屋企一開電視竟然睇到呢d係大陸無可能睇到的節目.睇的時候雖然斷斷續續(比偉大的祖國cut哂佢地認為敏感的野)
睇到民賤聯...真係賤到無人有...唔係好明,點解仲會有人選佢地.可能其他的未來議員未必係好人.但係民賤聯就真係好賤.不斷回避問題奇怪奇怪真係奇怪.

任志剛：港府無意改聯匯-看後感

任志剛：港府無意改聯匯

(明報)8月21日 星期四 18:00

金管局    總裁任志剛    在網上專欗《觀點》表示，政府重申無計劃作出改變聯繫匯率    。
他說，聯繫匯率制度在1983年10月17日推行，到了今年10月已是25年，最重要的是聯匯制度始終是香港保持貨幣及金融穩定的最佳方案，政府亦已多次重申無計劃作出改變。
他談到港府10年前入市打大鱷時說，今天越來越多人認同政府當年的入市行動，明白到金融體系危在旦夕的時候，當局即使要動用公帑或冒道德風險，仍須採取果斷行動撥亂反正，確保公眾利益得到保障。
他說，當然希望也同時相信，現時已發展國家在金融市場採取的對策會像當年香港的入市行動一樣，即使引起爭議，最終證明是正確的。

看完這篇文章.有時講出黎自己係一個香港人都覺得醜,唔通香港真係無人材?自問唔係一個寫得講得的人材.我就比較實制.知道咩叫"實制"
"聯繫匯率制度在1983年10月17日推行" 1983年的policy到今日真係識用嗎?好明顯不合適.情形就同中國大陸緊守左好多年USD:RMB 8.2641的rate一樣.但係真的是對的嗎?我不是什麼經濟學家.但是最少舒減左香港的民生.人民為本應該才是一個負責任的政府的所為.可惜我敢說香港的政府不是.只想保著自己頂上的烏紗,最好任期內唔好有大獲野.唔好背獲就完成任務.做一個應聲虫.作為一個土生土長的香港人覺得很可悲.
再講"港府10年前入市打大鱷時說:今天越來越多人認同政府當年的入市行動"真的嗎?我第一個不認同.今天亦見到東尼的認同,很高興有人和我想的事情是一樣.但是我們這些聲音..太少了...當天政府真的是打大鱷嗎?當天可能真的打退了"螺絲哥哥".但是敗了"政府干預市場的惡名"今天政府覺得有人做市要干預,明天政府覺得市場不正常要停市.那有一天香港政府又覺得市場太好要打壓.管理人材,消失了;自己市場的可貴,消失了.香港還有什麼?

給香港政府的公開信-香港人笑香港的白痴(雞牌篇)

近日同中國大陸朋友談起香港政府殺雞同迫雞販交還雞牌的事.朋友聽到的反應簡直不敢相信.他們說什麼時候香港變得愈來愈"紅".紅是指愈來愈接近共產黨.即是隱申至愈來愈大陸化.
和他們的討論中得出.首先收雞牌.殺雞根本解決唔到H5N1的問題.雞販的生存與否根本不用政府過問.因為你收牌唔比賣雞.市場有需求就自然會有人去做.吸食白粉都是人人都知有害而且後果嚴重,罰得夠重難道到今天沒有人食嗎?到最後香港的雞只會做成走私雞.貴價本地雞場等等的問題,即係有錢人就可以食鮮雞,窮人就食冰鮮雞的現象.
再好笑的地方就是今天雞有H5N1就把所有雞殺清.換個角度看看.先不要說生物有沒有等級的問題.人呢?人都只是生物的一種.那麼有AIDS的人他會傳染人又係咪又殺清有AIDS的人呢?再者雞是帶H5N1鳥類的一種有"機會"帶致病的H5N1病毒.但係又有沒有想到其實所有鳥類都是帶病源?如果要有效不如叫沒用的政府白養的警察每日守著香港的海岸線,一發現有鳥類接近香港就把Call Sniper把他們射殺.人是生命的一種.雞都是.我們是否要尊重其他生命呢?
最後和朋友討論最後的結果.其實香港政府根本就不需要收雞牌,只要日日去查雞.查到就公報.難道政府日日都check到雞有H5N1.仲有人會去買雞食?如果連續幾個月日日都有雞查到有H5N1到時雞販的牌政府唔收,佢地都自然死亡.情況其實同愛滋病差唔多,政府每季都公報愛滋的數目.去尋歡的人,亦會乖乖地帶帽上陣.而且拍死的人直情唔去搵"雞"而已.

失望

唉...用盡所有方法...
凡事去得太盡,願份使必早盡...
愈用力去握手上的東西就愈跑.
最後都係買唔成樓.建立不了自己的"家"
自己生長在一個不健康的家庭,沒有環境沒有支援沒有建議只有煩躁.
不想自己的下一代都在這些環境下生存.最少都要有基本的東西給他們才叫一個負責任的父親.亦盡了做人父親的責任,做人老公的責任.
但我是一個負責任的兒子嗎?我都想做,但對著你們我真的沒辦法了.我只可以供給你們基本的生活.因我真的很累了.我真想有一天我一睡下去就永遠地睡.
我是一個好的兄弟嗎?我可以問心無愧地對著天地說:是!對著你們我真的水里來水里去,火里來火里去.真係講做:無計過.我付出多少可以收回多少.
但我總要有一天有自己的家.這個不是自私的問題,是對於我的另一半公平的地方,亦都是我可以唯一為她做的東西,給她一個溫暖沒有煩惱的家.建立我倆的天地.給我下一代一個理想的生活.
有時真的不太明白老天爺你的用心.我真的不明白.莫非妳覺得我現在的決定是錯的?還是我所做的壞事真的太多.你沒有原諒我了?你已經給我一個不太好的硬件,我已經用我那個不太好的硬件去做出別人做不到的事.可說是超額完成.但是還不夠,我要的不只是這些.

11點鐘的冷氣

今日反到屋企.係主人房,想開個air con 做下野...點知...開左但係無冷氣出既(出熱氣?)
再想想...應該係部冷氣哂左成日,應該主機過熱,所以制唔到冷.咁就關左佢...中間試左幾次都係出唔到涼氣...直至11點..再開...終於有冷氣出....如我所料.主機凍左就出冷熱.激死我-_-!

真的想告訴你:無比的喜悅

無左blog之後有時有唔開心同開心都唔知寫去邊到,等自己之後都會再記得.
你比我寫blog啦,但係有差的野你唔好嬲,有好的野你又唔好太串仔
尋日係一天大日子我同妳終於搵到一個合適的愛巢.雖然唔係咩大屋靚房,但是你與我以後最少有自己的天地,唔使再比你屈就.係我宜家呢個情況,對我黎講真係莫大的興奮.果種喜悅加上無比的興奮在心中真的很開心.雖然很緊,亦都會好辛苦.但是為了你還是值得的.我點都估唔到我會係自己最困難的時候去買樓.人生...真的如夢.

報喜不報憂

原來有些人,只愛聽岩聽的野,唔岩聽的異聲就一d都唔可以有.
唯有把所有blog移去一個極為隱密的地方.
本來blog的用意係想比妳了解我的情況.唔使等你膽心.不過原來我的內心是這麼可怕,比你知道我內心想什麼反而帶來無限的煩惱.原來個人的感受一DD難受的感覺都唔可以有.
再過4個鐘就要出門口,今天很累裝了一隻櫃,6點就要上江門.我真的很氣累.原來我對你無限的付出,對你我已經變得無底線.但原來我的付出只是自己一廂情願.
一個講內心說話講真實的生活的Blog是錯的.

新玩具

又有新玩具玩!
登登登登!!
就係玩具單車機!
Keep Fit Keep Fit人人都要Keep Fit!



加油~~~好彩唔使錢買,如果唔係都幾傷

好開心,玩具車重生

想整返好玩具車好耐,今日終於的起心肝搞定部車
終於搞掂左好開心整好個內部..之後再粉飾外表

換左全套椅套

仲加左個太盤套

成部藍色戰車好型^^見到就開心...之後再拿去洗車...干淨哂!

新玩具

PS2! PS2!PS2!價值1099人仔(包改機)的PS2Slim.係大陸真係好鬼悶,上網又慢到傻,睇電視又係無聊.有我另一半送比我的PS2!係大陸買PS2老番真係超平,3-4蚊就有一隻"原裝刻錄"的D5,D9都係8蚊...以為放工返屋企呆都ok啦!!雖然舊就舊左d,宜家d人都買PS3,WII, Xbox, NDSL, PSP,但係我份人就係咁鍾意就係鍾意.就好似我鍾意chan一樣.

放左上去的圖.個LCD TV又係新的,不過係次貨,中間有一條紅線,但係真係好平700蚊only,仲要係SAMSUNG.下面果部就係PS2 Slim^_^

買左部新機我最鍾意射槍,即買支手槍,網上價109蚊人仔^^不過唔知得唔得..買左槍唔記得左買GAME

晚餐

尋日的晚餐.就咁睇真係唔知咩黎的.
登登登,登!開估,就係BB食的糊仔.
尋晚見唔係好想出街食野又想慳d用的情況下...又唔想係屋企食即食面...用左:過期奶粉+過期的BB糊仔+過期的麥片 ->過期的白色物體...不過真係好難食,但係有營養又健康.最出其的係...無事!嘿嘿

我是天才,但不是超人

有時想想下,我是一個好聰明,能力好強的人.但唔代表我係超人.咩都叫我去解決.我邊解決到咁多?
工事我已經夠累了,公司的工不斷地發生我不斷地解決..但是都要硬著頭皮去做吧.
差唔多到年尾,工事已經十分十分的煩,錢係一個問題,仲有好多問題會顯生出黎.仲可以聽到一d好不負責的說話:"公司入面的事都咁復雜,呢d好少事姐"...小事...不如咁...你覺得少事,咁你做,我睇.既然咁咁easy,咁我就放手.咩都見唔到.
同一時間發生咁多野真係有d吃不消,最煩就係有幾條無拉更的人不斷發聲.真係煩到傻.又要顧全呢個的感受,又關懷那個的反應.咁我呢?邊個睇我?
我係萬能唔代表我係超人咩都做到.我都有我自己的煩惱.宜家係兩個人的事,做咩要理咁多人的感受?來就來,不來就吧.我想我都是太好人了.有時做下衰人反而容易d過日子.

一個人大陸的生活

有時係大陸真係好鬼慶
先講上網
月費講貴又貴過香港...速度又又烏龜到爆...開一個website 有時要成分鐘...仲要下下比個假IP,你想打機?龜速+假IP你咪想.唉算睇下新聞BLOCK,睇下4仔BLOCK,睇下forum都得呀?敏感的uwants,discuss.com.hk你都咪使上.照BLOCK.連睇下其他人日記Xanga都BLOCK.有時想問下大陸搞internet班人,你地是不是低能的?最慘佢block還block..佢地又唔係唔知世界上proxy server攻破呢d block script.只不過係超慢load得...真係低能到爆.
再講電視
你地係香港ATV TVB賣廣告以為真係全中國都睇到?電視節目就係全中國都睇到.廣告?全BLOCK.一播有少少敏感的新聞話提BLOCK!再不停loop本地的新聞...話比好少返大陸的人聽...宜家大陸主要播幾個香港的廣告.1)ICAC廣告 2)反洗錢廣告...真係悶到你傻q左
再講出街
其實係大陸出街可以有咩娛樂呢?如果你唔係爛玩的人其本上係無娛樂可言.爛玩選擇: 落Bra飲酒,落d 撓頭,去所謂的髮廊"洗頭"(即係叫G)...
健康少少的節目:按腳(極平但係日日按按到你腳都爛),桑拿按摩(按全身,但都幾浪費時間而且唔係間間都係正經,去錯場你就煩了), 近年多左的SPA(又係果句,日日都SPA?皮都爛.
民工節目:逛街(普通話)...對於一個香港人黎講行下街唔算節目...佢地可以日日行,又唔買野. 打電玩(普通話)...你大陸的機檔, 真係平,一蚊,五角就可以打...不過舊到傻..仲有..d制永遠都係壞的...仲有一個好好玩的節目(民工認為)就係去"村委"睇電影...我都曾經停低過睇佢地睇緊的電影..每個人都睇到眼甘甘...但係我睇左三分鐘就知呢d節目係幫人"洗腦"典型的紅色思想節目...再睇落去我會嘔或者笑死.嘔係劇情真係好假每個都係教育佢地點做好一個黨員,笑係笑佢地真係老土到傻...
所以基本上唔係一個爛玩的香港人,係大陸基本上正經出街的節目有三:食飯,買日用品,按摩/按腳.

買Sinomax的港女

其實用港女去形容"香港典型差的女生".好多女生都幾反敢.有時不能以偏蓋全...
尋日去實惠諗住買返個同款的Sinomax枕頭返大陸用.見到一個好搞笑的情況.我去到的時候已經有兩個師奶級港女係到(應該係果d眼角高自己條件又唔係好,最終嫁唔出的中產).我一去到就選好款式準備比錢.個sales問我地夾唔夾單一起比?買兩個夾單比有85折.咁我就話ok呵,無所謂啦,但係佢地介唔介意.果兩個師奶見到我咁快買到就好快咁決定左...不過問題就黎啦...
師奶A:我想比credit card喎得唔得?
Sales:無所謂嫁,你Look Card,你叫佢地比返cash你.
師奶B:咁不如我Look Card你地比返Cash我.
(靜左一陣)
我:唉~~唔知你地邊個look啦,我拿現金出來,你地邊個look關我咩事?
師奶B:咁我自己look card廢事益人.
咁我就同師奶A一起夾單佢look卡,師奶B就自己一個look Card.最終的勝利者係邊個?其實得我同師奶A...仲有Sinomax..最低能就係師奶B..加多果幾百分credit card的分夠唔夠一個幾百蚊的枕頭打85折咁好呢?斤斤計較到暈....比佢激死