繁忙的一天

尋日勳左真氣比人激親.訓兩個鐘就醒一次,訓一個鐘又醒一次真係幾辛苦...但係個身體又真係好累既...個感覺真係...想死-_-!
8點頂唔順..真係訓唔到起行,先食返包"天皇保心單"近來先開始食...食左佢果日無論幾累..個人真係會精神好多.有時中藥真係使得...但係如果本身無咩野食落去就真係唔使訓.咁就開始左繁忙的一天.
10:00  去灣仔拿返個passport
11:00  拿完passport,諗住順便再去搞埋個BR,點知....帶錯左張2006的BR.諗住先去Andy到搞埋保險d野Andy又開緊會.真係慘即刻返屋企拿.waste哂d時間.不過我就無直接返屋企答亡命小巴去一去葵芳睇睇d鋪位先..睇下有無鋪位岩.不過原來都係未開既..是旦食少少野返屋企拿野.
再返到灣仔搞掂埋個BR已經係13:15既事.真係慘又哂錢又哂時間...棋差一著.有時就係咁...一只錯滿盤...
14:00去到TST Andy's Office搞掂哂又14:45
15:15又返到葵芳,今次真真正正問價問路叫做真係做正式功課.睇到差唔多16:00想打比C君叫佢早少少幫佢睇佢間 屋既裝修.但係C君成日都唔聽電話...之後打返比我話17:00先得...好彩...我睇鋪都要睇好多時間就一路睇鋪一路等你...講真..宜家香港d租金真係天價.係天價得好離譜.好明顯就係地產商根本就係到壓緊地我呢d小市民想做d小生意的財產.
17:30 C君到左..再去佢屋企...佢地本身個design真係差到呢...真係可以比9個"差"佢...根本就無從用家出發.再幫佢design令一個講比佢知好處..佢地都覺得幾好,但係兩個又半信半疑咁..其實都幾生氣有時對著C君.佢又要問你..但係又唔係唔信你.信你但係唔做...咁即係...不如唔好問.
18:30 死同埋C君約左D君一起去食飯行下街順便話比C君知去邊到買家私...好耐都無同過C君同埋D君食飯...我地三個都變左好多.D君變得...我都唔知點形容...本身係一個好正常的人...決定事情時都好正路...但係有時又會做d好唔正常好唔正路的舉勳...奇怪!同完佢地兩個行下街睇下野好快就22:30了
22:30 D君獨自再去同佢既同事去玩...而我同C君就去打機...我3好耐未打過賽車game...同C君去打機....真係...好彩唔係貴...燒都係燒有限既錢無咩所謂.睇佢打賽車game就擔心如果它日C 君有車的時候....驚驚 

美心的服務員

其實好想寫出來讚呢個服務員好耐.但係寫左係diary一路都無時間打出來.
19/3/2007 果日一如以往又是北上工作的時候,但是今日有些不同,5點幾還在家中然後拿著一大箱行李背著一個大背Bag.去到上水火車站時,已經苯不多6點鐘其實已經極其肚餓一見到美心就衝左入去行埋casher叫野食.Casher前面有一個廿歲左右著美心制服的少女.說真的,我對這個年紀的女仔印象不是太好.心想:都應該是讀是唔成是是旦旦搵份野做的Wet妹吧?但是這個女生用一把都丶友善的聲問:請問你想食咩?我當時的情況都幾狼狽,一方面又多人,另一方面自己又多行李,不以為然地說:咖哩牛腩飯...再想多五秒..都是咖哩豬扒飯...唔好意思呀要你改tim.服務員:唔緊要,你坐你邊,我幫你拿呵..(噢..真係"識做")我拿著咁多行李又要搵位又要拿野食..太難為了我吧?我就隨便找個位坐低,看著她幫我去拿票拿飯到我面前短短的五分鐘.我再用五分鐘極高速干掉面前的食物.之後靜心準備上路..但呢個服務員吸引到我的注意.我就再坐多陣...打量左佢幾下.她樣子普通,看上去同現今這一代普通的Wet妹一樣的爛.但是多看她五分鐘,改觀了.說真的佢似美心的老板娘多過似一個打工的服務員(仲要係最低級果隻-_-!)作為一個斯斯文文的Service Girl.由幫客人拿飯,執枱,拿醬油,到 刷干淨張枱全部都做哂.差在未知使唔使要洗埋個Toilet.果一刻真是好感動香港新一代仲有這些人係到.我呢個苦命傷人係到祝福你.

其實我好應該去做精算師

有時我係到諗..如果我唔係無咩讀書天份...我應該好有機會做精算師..
因為我計算無論計錢,計人,計自己都係計得好清楚,分毫不差.
頭先剛剛有人話我會唔會太過份?話我會唔會太要求太高?有咩咁高?
就計下
一年 365日,即係52個星期,正常黎講未計假期只有星期六星期日會返香港陪下屋企人同佢.
即係 52 X 2=104日...係人都知呢個唔係實數.因為我真係傻既有時可能兩三個星期更什一個月先返一次.就先張呢個數好客觀咁打7折
即係72日.再講72日入面..我經常性返到香港都係要因工事,家事,私事同圍走.又客觀咁打個7折
即係50日...又再講呢個時間係包括同家人share的時間.....少少地比個8折
即係40日...再減埋其他.佢唔得閒.match唔到時間.既日子,但係再加返"佢會上黎,我又突然會落黎既時間咁即係打個和.一年 365日如果一對情人只係有40日可以相見都覺得多的話用禇多借口推...咁即係點?我都唔知點.
相見的時間已經少之又少,我這個長年在外受著風霜洗禮的孤獨苦命人,在外實在太冰冷了.回到香港真係好想有個溫暖的手抱著我入睡,但是希望和失望關係永遠都是對等的.希望大失望就會更大,希望代表開心..即係希望愈大就會愈開心,隨即失望的憂愁就會來.如果想無憂愁..就係努力咁去控制自己的情緒,唔好再比希望自己,儘快離開事發地點.難怪我愈來愈提唔起勁返香港.中國大陸無野值得我留低,但係我更討厭香港的失望憂愁.最少我係中國無事會另我動真氣亦都無人有咁既地位.

女朋友

原來去玩左兩日一夜去SPA就唔累既,我做左成三個星期野都未返過香港,山長水遠滾水陸腳咁係大陸坐3,4個鐘車返到黎,之後原來一句我聽日要交收就可以選擇"唔見"即係佢就識累,我就唔識累.照我慣常的做法用好logic去推理.
去玩唔去我到 = 去玩 > 愛情(我)
交收唔見面=交收>愛情 ...隱身的含意就係"錢>我"
即係 去玩(娛樂) >交收($) >愛情(我)
咁我知以後應該點做.

失去了才知珍惜 得不到更覺可貴

呢個標題...都真係幾咩咩女朋友見到一定又以為我咩咩.但係我只係見到呢句野...
其實我對佢就已經係失去才知珍惜...但係我雖然同意"得不到更覺可貴"但係我不是這樣...得到又點?我唔到又點?有d野係無得試亦都無得去預計...就係因為得唔到未得到果種對未來的其望...對未來的寄託...但係我係一個咁實制既人又點會有咁既情形?我只係係可以睇得到既未來先會去主勳.得不到我亦不會覺得可惜.

原來一個人生活係好恐怖

好少感覺到呢個好厭惡的感覺...好多人其實未試過一個人生活,咩叫一個人生活?就係等於一個人住?當然唔係.一個人生活係我既意思就係.活係自己的圈子,在陌生的地方身邊亦沒有朋友,沒有親人.返工,放工,然後一個人食飯.一個人回家.回到家中任你家中的裝潢何等豪華.回到家靜得可怕...一回到家就會開著電視但係又唔會睇..因為真係好無聊的節目...其實可以主動去找人食飯行街吧?找誰?第一,一定想到同事:錯...同事作為別人的老闆.和員工太熟做起事上來會產生很多問題.再者同事生意上的朋友再熟..別人都有自己的家庭.怎可以就一個孤兒仔去搞著人地的生活.第二,自己去外面識朋友吧?點知人地係咩人...一陣係壞人小命不保..我死唔緊要後面一大班人跟著搵食.第三風月地方的美女吧?更加唔使講一自己有gf,二..呢d人點會同你講心...就係咁既環境下...一個人的生活就為持左3年了.
3年...無論生活,生理,心理我都認為我克服左.生活上...由咩都無,訓既地方都無,到宜家有車有樓有個好舒服的安落窩.洗衫,煮野食.清潔...所有家務我一向都係能手...(但係做唔做姐)去到油牆,批灰,修理屋企的電器一向又係廳手.好明顯完全克服左.
生理我就比較采取主動的方法(亦都可以話禁閉)...作為一個正常的男人...有咩生理問題?我就唔係好鍾意去風月地方..果到既美女...其實同公共Toilet無咩分別.在乎你想定係唔想.但係要我自己黎我又比較唔係咁鍾意.個感覺好差好差好差.就係一個字"忍"首先買屋的時候已經預料到會有咁既時候...就買高d又無電梯..咁你返左屋企就唔會想再出來.因為你一諗到出左去要再返來又要行咁多層就唔會再想出去.然後家中的大門裝多幾把鎖..當你想外出既時候開門都開幾個字..呢d野都係一時之快...就唔會再想出去.最後呢個方法係最好用亦係最有效:做多d野...不停咁工作..做野都做到半死咁制仲邊有心情去wet?仲有記著晚餐唔好食咁多野...所謂飽暖就..哈哈
不過我亦都不得不認我今次真係有d心情唔好,心入面無比的寂寞.呢個就係心理質素問題.如果唔諗都ok..但係一靜低諗一諗其實自己都幾慘..對上兩個呵哥係到風花說..我就要背起頭家千里條條去做野搵錢.試過幾次病到真係差d瓜老陳...又病藥又食哂又無藥食...第二朝起身...衣?點解無死既?...再諗..就愈諗愈多就愈唔係咁好feeling...所以我係屋企有大量DVD等無咩咁既時間去諗野...就解決到呢個問題...但係最慘最慘既就係突發性既失眠...感覺真係想死..個腦又係到諗野...又無人傾...哈哈...好彩我心理都仲算ok...所以有時諗下一個人生活真係幾恐怖...隨時去左都無人知