合適的決定

肚痛其間睇下chan 個blog 寫左咩.有時佢睇我個blog 我睇佢個blog,可以曾加大家的了解...見到佢屋企咁既情況又係嘔血.再望望自己屋企的情況係嘔嘔血...好彩我睇撤退的時機亦都選得好正確...如果再做好d應該再早多三個月.但係再早多三個月又無咁多錢wo....真係時勢...有時真係要讚下自己...SMART!但係仲係好肚痛...頂妳.
應該唔係想像中咁嚴重...岩岩呵完第4次開始呵水了...想食喇叭牌...一諗起藥係老豆房...卜街...即刻就想拿呀媽出來罵...好...唔食.我唔信我身體頂唔著小小痛.

大年初一之好驚入廠

已經是大年初一5點幾,差唔多6點的事...好眼訓....點解唔訓?
真係訓唔著,唔知係我的生理時鐘壞哂,定係我個人壞哂...d時間亂哂籠...都無咩所謂.幾個鐘後都係bow年...老豆又話3點鐘開年.佢又真係咁鬼神心3點起身去開年..同佢做好哂d野已經係4點的事....咁就試下訓..一訓落床都唔夠3分鐘...嘩...個肚好痛.....點解會咁痛!!!即刻回想今天吃過什麼...數下數下一樣再諗下有無可能..食左..魚蛋仔...無理由係佢..成日都食.ireland photo....都無理由係佢...炸到咁q脆一定好高溫而且好清潔..佢門面...年三十晚飯??我只係食左飯同湯都無理由......突然諗到.....火龍果三隻!唉...今次pk...仲食左咁多...食既時候..都見到個果肉面有d黃色的野..不過唔為意..諗住honey 切的...應該無野...今次PK...真係好痛!!!唔通真係要新年初一999入廠?呵左第一次....只係all左少少出黎....都仲係好痛....呵出黎既都仲係一舊舊.....一坐低唔夠10秒又呵....今次all左好多....由一舊舊慢慢水化....水好似噴水池咁係咁噴出黎...呵到最後...舒服哂...再望一望..好明顯係火龍果......你謀殺親夫咩@_@?呵左d火龍果出黎..個肚明顯地無咁痛..但係又好明顯未呵淨...等緊第三次...呵淨哂佢.希望無事....聽日都唔使止意起到身

INTERNET言論自由思想自由

好多年前已經開始上網..當時上網用咩software唔使錢.係個search engine 打一個字.基本上每一天打相同的字都會有新而且不同的資訊.但是今時今天這個internet....可以講話係單一channel.我唔知道背後政府,背後誰在control.但是資料/資訊好明顯給限制了.現在每天打一個字...可能一年後在search engine 打同一個字...結果都是一樣...就好像近來打裝修.入牆櫃等等的字眼...那些資料都是n 年前的....對現在這個internet 真的很失望.這個就是商業化後的後果....亦都是對我們思想的控制...資訊的控制.
那後代出來的只有dummy的應聲虫而已...

沉重

岩岩係荃灣廣場的時候,突然好感足.想到當日呀明同我講:你幾時上黎我教會聽下我講野?人人都有罪,只要你肯認,神一定會接納你.突然係腦入面出現返呢句說話.
我有罪?前半生中做過無數埋沒良心的事.前半生中對唔住的人多不勝數.我認有罪,但是神?真的有神嗎?真的會原諒我嗎?連我自己都原諒不了自己.有些錯永遠都改不了,錯了就是錯了.對自己的要求很高,但是有些錯是永遠都不能癒合.
在冷清而寒冷的大街上,心情很差.我眼濕濕地,想哭但是哭不出來都很辛苦.對於一個見慣風浪的鐵男人來說:原來可以哭是多麼幸福.

難為做人

有時做人真的很難太多的事情要顧慮,有時順得哥來失嫂意.
對公司,已經盡自己所能付出可以付出的野去做.事到如此都無法
對家庭,其實即係對公司,因為家庭同公司已經分唔開,有時咁樣都幾煩.家庭的關係已經唔係簡單,再加上公司就復雜上再加復雜.已經比呢兩樣問題困擾左我咁多年,亦都背負著呢兩大包袱咁多年.不斷忽略左自己,自己身邊的人.
近呢幾個月,其實一路都知只是不想面對.有所覺悟.就算對自己.唔想再背負著這兩大包袱.我都要有自己的家庭,自己的生活.一向都是比呢兩樣野不斷無限咁困著自己.
但是咁做的後果,可能外人看上去我會是個衰人.但是...你們說是..就是吧.自問好過就ok了
妳都是.妳都將會有妳自己的家庭,自己的新生活.再開始過吧."那些人"忘記它吧.不值一提.

很難令人原諒

有些人每次做的事都是很難令人原諒
就如我這般大量都有點頂著項著.好吧...但是我會記著的.終有一天.會歸還.

簡單的形勢

同一個問題,每年都發生,結果每年都炒得面紅耳赤,為咩?有時我都唔知點解會咁樣,人地的家庭就父慈子孝.
我的老豆就出面有女人,仲聲大夾惡,係屋企幫手睇下細路仲要向仔女收錢.對外面有仲好過自己親生的屋企人,呢d老豆唔死都無用.
大哥就成日以為自己好叻.一條友自己都未養得掂.仲要養埋兩個老婆+一件女女,如果唔係我地兩姐弟的關係,其實到宜家都仲係一個司機.可能佢enjoy做司機吧.咁就反黎香港做司機
三哥就最無資格出聲的人,三番四次的錯,都另到佢個人無哂信心.而且真係讀得書少.知識就真係差到無論.但係佢都係一個唔會帶比你好大trouble的人.
媽呢....有個咁既老公加上咁既仔有咩辦法唔會有精神病.
我家姐有時性格就真係好難頂,但係都係d爽爽快快的人.亦都唔會帶比你好大trouble.佢自己搞出黎的獲,你唔幫佢,佢都有佢自己的方法搞得掂.所以亦都可以講我同佢相依為命.
而我?我表面上亦係好多人眼中我係一個完人.即係完美的人,亦都係好多人眼中的狂人.但只有自己先好清楚自己有咩缺點,亦都好清楚自己的優點,盡可能我都把自己的缺點收得好密唔會比人知..
點解會咁感祝?唉...生長係一個咁既家庭中.我都仲可以有我咁正常.仲可以用自己雙手.買一層,兩層的樓...有時我真係好自滿.好滿足.所以我對屋企的政策一向都係你唔好搞事就算...可惜永遠都係事與願違.
有時真係覺得你好過份,大佬你讀幾多書,今時今日咁既時勢.比一萬蚊你睇著間公司,仲要睇你面色,最慘年尾明知公司唔係好夠錢都要出多20000蚊花紅?宜家你老婆個女要申請過去都要公司比錢?咩道理?唔可以用屋企人黎形容,應該用比陌生人關係更差,要求更多.對..其實我一早已經知道.只不過係"屋企人"的關係.我應該一早選擇可你們這些連"動物"都枉稱的所謂"屋企人"記著,我都係一個幾記仇的人.屋企人簡直就係放屁.他日你唔好有事要求返我.

危機

有句說話一直深深隱藏在心,這個世界上只係有兩個女人可以另我甘心去Take Risk 去做很多事,亦都係佢地先有機會可以另我破產.一個唔使講,係我的家族入面從小就同我相依為命的人.另外一個人就係陪我下半生相依為命的人.
近來這兩個女人,看到他們的舉動真的另我很害怕.從小就相依為命那個我已經控制不了.我可以做到的.只係將傷害減到最低,另到自己唔受傷,到日後可以再幫返佢.陪我下半生那個,連串的舉動更加另我奇怪.我已經不固一切地去買一層樓想著和他過下半生.但是一個月供5000+雜費應該around 7000蚊基本開支.再加上佢所謂堂皇的"養屋企"3500元.總其10500.;而我現在公司不穩定的情況,根本沒可能可以每個月穩定地拿一筆錢出來.真的不用吃不用飲嗎?可以她未看到,如果有一天她真的明白的時候,就是等銀行收樓的時侯.我一向憑行的制度就係就算我expect 最worst的case 出現.我都唔會有事-自保要緊.但是今次的worst case 出現,我真係可以講話一無所有.其實有時諗下自己真係好利害.23 歲出黎做野.26歲有自已的公司.28 歲就已經買第二層樓,雖然話第一層都係供緊,但係第一層其實已經甩左身.
宜家只要其中一面有事就已經好大獲.如果公司有問題,唔使講已經植大問題,大陸樓要供,個人的Insurance,生活費等等...妳的工出現問題...樓又點算?如果兩面一起出問題...想像都唔敢想像.最慘想將兩邊的危險指數降低d,不斷要求做一些動作.但是兩個女人都不得要領.有一天worst case 如果出現.你們就會知道我的遠見係幾咁利害.但係都要比個保護網自己.
所以我最基本的保障就係最少要有可供一年的生活費係手,15萬.作為暫存後備頂著基金.但係呢個數又點可以有呢..又係一個問題.又要諗下計

幻聽

之前同媽媽說,其實我都曾經有過呢樣野.可能我身邊的人以為我講笑.其實呢樣係事實不斷咁有人係耳邊講野.好明顯係一種精神病,媽媽的意志又點會頂得著.
很多年前,公司剛剛起步的時侯我都曾經不斷有收音機的Radio係我耳邊不斷播.真的是幾困擾,而且你是控制唔到佢對你講咩.近呢一排係我訓覺的時候又出現.今次就不斷唱歌.由外國英文歌到大陸歌基本上聽過同未聽過我都會不斷係你耳邊斷斷續續咁播.但係對我黎講我都幾震定,因為我知道呢d係咩野回事.我亦都明白我控制唔到佢唱定係唔唱.但係係半睡半醒之間的情況就最慘.因為根本唔知佢係真唔係真.正常黎講一個人夠冷靜,震定既話佢講咩,做咩,根本影響唔到你.媽,我明白你的情況,希望你有一天有你兒子強烈的意志.