點解可以咁黑仔之第一次受騙

今日早上起來,身體的問題無論心理,生理都好左好多個感覺,有時唔開心對自己放縱一下,或者不佛咁訓覺都是一個好的方法.
尋日估唔到一日內可以咁黑仔,事發於早上...一早8點幾,有人按的家門鈴:喂!收掛號信呵! Wing:那麼早晨呵,你不是拿上來的嗎?郵差:我們不送上門的,你下來拿吧!(中國的Service就係咁差的)唉...落去的時候又係到諗今次條死人呵能又係邊到違法?真係又收到告票...唉死死地氣開黎睇...一環路....計埋之前未交的罰單已經有一張廣州,一張一環路.今天決定搞掂哂佢!
Plan 好今日的行程先去獅山拿貨,再去海五路搞告票,之後食飯再去廣州搞掂個廣州告票.最後再你廣州買些貨.有時真係好疲倦咁樣跑法.好先去獅山...一上車見到無咩油...今日要走咁遠路.去油站入下油先...排隊之制...有個男人廿幾歲...佢拿著部N73...每部車都行埋去..但沒有一部理他...最後行到我的車...我落Window問佢:咩事?
男人:N73很新的,要不要?(我心入面即時諗到如果平的話送比我的chan,我知佢想換一部新的手機好耐)Wing:幾錢?男人:1200蚊啦,你看N73最新的!(佢把機交到我手上,真係一部很新的機.如果送比chan佢一定很開心)Wing:(板起臉)800來就來不來就算!男人:好啦,給你啦,拿錢來.Wing:(給他錢...我都怕佢有什麼古惑,一直看著他)手機一路都在我手...好似無什麼古感.男人:你給我手機,我先拿我的電話卡出來,沒理由連卡都給你.Wing:(又是)一路上我的眼睛都看著他...佢拿了電話卡出來.然後就給回我手機..我太相信自己的鷹眼他給了我手機...佢就急急腳走了.我就放下手機在seat位上就絕塵而去.因為都幾緊時間.一路上我太開心了都等不了,打比chan話比佢知有部新的N73送他,只要800蚊.佢都好開心...一路上都駕得很快因為我都想快d搞掂獅山單野開始試部機.搞到成11點搞掂左係路邊停低部車入好卡.準備想試下部機...點解個面咁粗糙的?再按個制點解個制按來按去都不著?再大力d成個制脫左出黎...死唔通部機係有病的...無計拿去整一二百都有數為起...整好先比chan.咁就打消左第二行程去交罰款.
去到鹽步其中一間修理店...拿入去問呢部機有無得整?果個師傅看了兩眼...呢部係"板機"無得整的,我變得幾生氣.咩叫板機?是手機都有得整的.板機即係話好似玩具咁.入面無野的.只有個殼......Wing:唔係掛?我睇著佢比我果時都仲得既.師傅:呢d事成日都發生,比你睇果時就係堅野,佢手快唔覺時比部假野你收左錢即走...
我心有不甘,再問一間得到我同樣答覆..我自己再睇一睇...想大力d握佢一下..真係有d唔係好實的feeling...我應該相信幾個人一起說同一番話.我自己再証實一下...我好大力咁握爛部機...真係爛了..入面的配件..分別有幾支鐵.幾塊電子板...就沒有了..根本就唔可以叫做電話...一向自負的我,一向比人醒目過人的我...今次竟然受騙,我真的接受唔到我受騙呢個事實..我打比chan騙了一個故事話比佢知(真係好對唔住,我接受唔到我受騙呢個係事實,但係我對自己是忠心,對你亦然)...因為我真係接受唔到我受騙呢個係事實,我坐係車上呆了良久..800蚊..不是一個天文數字..對我現在的環境是一個都幾好用的數目..我現在一個月如果唔和別人出外食飯和去按摩,一個月根本用不到500蚊...我真係好怪自己今次咁死蠢.不過都無法.都要fix左呢件事先...我把車開到高速公路..停低...再張個電話放時10米...然後超快加速..大力展碎部機...之後..

為何女人總愛上壞男人

勇敢消防員在他那個人網誌問「為何女人總愛上壞男人？」


他有資格問，因為他是典型「好仔」，論外形，五官端正，高大健碩，永遠腰板挺直；論品性，正氣、上進（在唸公開大學）、孝順、有禮（母校校長證明）、盡負、好人緣、熱血、誠懇、不煙不酒；論條件，有正當職業，正在上位（考了升級試），有前途，身體健康。


各方面都?足一百分，偏偏去三年的情人節他形單影隻，親手焗蛋糕博紅顏青睞，卻吃檸檬；在街上呆守承諾，所以不會打她手提電話提醒她「我在等」，或大發脾氣，在電話怒罵：「你有冇搞錯！」該是見過不少女人向壞男人投懷，所以質疑，女人的價值天秤是否失衡？


想起《溏心風暴》陳豪演的得得地，純品斯文君子體貼，但在得得地和程亮之間，常在心揀了常罵她蠢的程亮，當遇上麻煩時，常在心卻寧願找得得地傾訴求助。


一個「好仔」會被女人看作是姊妹，多過是夢中情人，因為「好仔」沒殺傷力，又無挑戰性，難以引發女人與生俱來氾濫的母愛；作為母親，最大的滿足感和成功感，是把壞孩子變好，那怕機會是千分之一。


很多女人有無比自信，以為能憑過人魅力去改變壞男人，結果窮一生精力得個桔，但跟他已兒女成群，自己年老色衰，改變不了他，唯有改變自己。


「好仔」切勿動搖正能量，錯過了你是月老失職，是對方沒褔氣。

放心，女人轉了三字頭，身心成熟，知道要趕在第一條皺紋出現前，找到好歸宿時，便為「好仔」狂，到時只怕應付不下。


其實每個男孩，本來都是想做一個感情專一的好男人的。

其實每個男孩，本來看女孩子都是看臉而不是胸部的。

其實每個男孩，本來都是不會講黃色笑話的。

其實每個男孩，本來都是渴望愛一個人直到永遠的。

只是，沒有任何女孩愛這樣的男孩

她們覺得這樣的男孩太幼稚，太古板，沒有情趣。

每個男人都想受到女士的清來.
好的男人亦都從始絕種...

睡眠中靜靜地去

星期四至五同佢過左甜蜜的兩天,原本想著還有兩天,但是有兩個無聊人來了破壞左.都無計.
在星期五的晚上,睡到好夢正甜的時候,心臟突然好痛,全身都動不了.為持左不知多長時間,之後到身體中部的右下角痛...那裡應該是肝吧...第二朝醒來...又在....想一想在睡夢中去了真是幸福,不用想不用痛就永別了.

人生如夢

昨晚不是太熱,一個人脫了上衣倒頭大睡.一清早醒來,出奇地精神.真奇怪平時都沒那麼精神.其實我不太喜歡冷氣,主要原因是氣管+鼻子真是受不了.只要有洗過冷氣隔塵網的人就知.冷氣噴出來的空氣係何等清潔?我就是那些常常洗冷氣的人.
但是連我最親密的人都認為我沒冷氣就完了..就不得了.但是早7,8年前炎炎夏日.當時我還是一個搬貨工人,於高達40多度又污穢的車斗中都可能倒頭大睡,沒有冷氣的30多度我又怎麼會受不著?
在生活,無可否認開了冷氣=有抽濕,空氣清爽一點,感覺都舒服D.呢個情況要係鼻子不流鼻水的情況下.如果唔開冷氣又入睡的話.最煩就係第二天醒來那種..真係'和味',自己都頂自己唔順,實要沖涼先出到門口,咁岩我又唔係好鍾意一早起身沖涼好容易就冷親.而且有時不知是心理還是生理問題開了冷氣是較容易訓著.而且又無咁多夢.
昨晚我就有左一個熟睡,可狠的是早上8點就停電.係我密不透風的房入面都幾辛苦.而且我都睡夠了是時候開始工作.但是起來時呆了一呆回想一下昨晚那個夢.夢見一個很久沒見的老朋友.這個朋友中三認識她,樣子不太討好天生一副師奶相.但是講她的能力,連我都有些配服她.先不提私生活(她與我圈子中兩位男生拍過拖),再不說樣子問題,她應該是一個要好的GF,最正宗說應該是入得廚房出得廳堂果雙,亦不只可能照顧自己咁簡單,可以見到她應該是一個外強內暖的女人.家庭,工作,生活應該頭頭是道.但是在男友面前就會變得小鳥依人.呢種女生現在香港呢個咁既環境都幾難搵.
Anyway, 現在她的情況我不得以知,我都很久沒有出值中學同學的聚會(始終同佢地格格不入正確d講係唔岩Channel), 只是知道她前三段感情結果都不太好..只知道她現在投身幼兒教育,都幾反映佢的性格正適合這行......張信哲的歌你mp3唱起.."你真的忘得我吧?...難度我就這樣過一生,注定等不到我所愛的人,難度愛情可轉交別人".....太好聽了唔寫...
一年前你的祝福,多謝.
一年後魔鬼成長了,殺我愈來愈狠,但我都祝福你找到你的幸福

手機日之所謂的香港人

今日,成日都比左"手提電話"呢樣野
首先自己先應酬左杜小姐幫佢整電話,無計,應酬佢一下幫佢拿去整...整一整就兩三個鐘.
比左部Nokia6111比Nokia 整..例要等個幾鐘先ok..咁就先去第尾食返個牛扒lunch..真係抵到爆40蚊有湯有扒有凍飲又好味..正正正!!
不過話明手機日..食完野,本身我都想轉台...果條pk 新世界成個屋企得個露台收到...傾親電話都要出去傾.又想睇下新電話...本身又想試下3既視像電話...所以不停咁係One 2 Free, 3仔,同埋pccw幾間行黎行去贂呢樣又格下D plan果d價錢.就係咁好快就到拿返部電話...又係要等
等待的時侯....我就B150..但係只係叫到B130..唉無計都要等..就聽到一個三十幾歲粗聲粗氣的男人係到大吵大罵.情形係佢部6300應該有問題,Nokia Promise左佢換部新的比佢,但係佢部機花左一點,所以就唔換比佢...講真Nokia 新出的機真係好有問題,我係果到睇到,十個有9個都係整新機.咩6300,6280 6288,N73, N95全部拿去整...咁買咁貴既機又有咩用呢 ?不過果個男人都幾勞氣下,可能佢都黎左幾次Nokia先肯換,宜家又話部機花唔換.佢都幾氣頂....見佢部機真係好新..合單都有...好似話買左兩日就byebye..開唔到機..真係慘..
令一邊廂..一個中年師奶..拿著部N73同個CS理論..嘩搞錯我部機買左先一個星期黎整左三次,你宜家仲唔快d換部新既比我?CS:唔好意思,我地呢到唔係換機的,只係整機,如果師傅睇過你部機係我地Nokia的質量問題就會自動換新機比你地.師奶:宜家仲唔係質量問題?我都黎整左幾次!.....講左十幾分鐘..最後CS都係收機又整...
最後到我拿機前面的男人...約三十歲.整個speaker.呢條友d態度真係正一卜街黎既情形係咁
CS:先生你部機個SPEAKER只係有d塵係到宜家幫你清理左了,無問題的
中年人:(冷膜)點解會有塵?
CS:我地都唔知點解,有好多可能性,空氣入面就已經會有.
中年人:咁你即係無答.咁仲唔係你地問題,你地設計d機既時候點解會比D塵入去(咁都得?)
-_-!如果我係CS吊左佢好耐...咁你屋企唔好有塵呀,有塵我即吊.不過聽佢既態度..係公司都係果d係中層果d狗只係識哈d下面的小職員..個態度已經話左比我知....最後我拿了手機...即場試..都係即刻熄機-___-吹脹...NOKIA的機...貴過8舊一定唔買...買都係要買舊機

又失眠

唔知幾時開始,我間唔中就會訓唔著.
今晚都唔例外,出現的機會可能十晚有一晚..個人好累.身,心都好累,但係就係訓唔著,真係吹脹,起身回憶一下自己每一步行得有無錯,我對上兩步,真係行得錯,係好錯,anyway 行左就要continue行落去,亦都無得選之下.突然想起尋日早上姐姐打來叫我拿佢份遺囑出來...嚇死..無啦啦check 遺囑出來作死咩?死邊有咁易.
佢同我講話呀良死左,所以要睇睇自己份遺囑有無寫錯.我諗左兩諗原來係國良...佢唔係一個壞人.但係早死...我都知佢一路都有壞血病..呢個病真係無得醫的..真係慘..對於佢黎講可能無一個解脫.我唔係因為佢既離開面唔開心訓唔著,係因為感慨...人真係化學又去多個.

貧窮的惑

近來好多人都覺得我好窮,唔係好熟我宜家情況的人又以為我好掂.但係係我身邊既人都知發生咩事.
助手A話:你係咪真係窮得咁緊要,連飯都唔食?到左兩點,我埋頭工作之制..一個M記餐放係我Table上...真係有d感動
朋友B話:你近排好少去按摩喎,好得錢用咩?去松松,我請點話...原來呢個世界都仲有
但是我又係咪真係咁窮呢?
其實又唔係,只係我知道係可見的未來我是需要大筆錢去用.所以叫做慳得就慳.可見的未來真係太多野要用錢.今次的難關亦都比我知道"你"原來係對我好重要.你同我共渡幾次難關,亦都有過好的日子.今天難關又再光臨.
順利過左這次難關之後,我決定唔再同你拖拉,夾硬要將我個"姓氏"加在你個"姓名"前面.就即係無得選,要改姓.

今次真係呆鴨

近來都唔知咩事...成日都做錯決策.
 連最基本的事都錯...唔通真係自己叫得多呆鴨.真係呆左.
尋日先去幫CHAN 交收唔見左個LITTLE TWINS STAR 水壺,今日返上大陸做野...竟然可以上錯左243m本來想上249m.仲要上到車先知...真係低b左.
我唔要做呆人..要變番快人十拍的人!!

平淡的刺激,刺激的平淡

當一個人長期處於安穩的生活,就會開始納悶,不安於現況,努力去找尋新意新刺激.
就好像一個結婚多年,平平穩穩的老公出去找外遇就是這個道理.
當一個人長期處於刺激不安定的生活,就會希望得到安穩的生活不想再留離.
就好像一個打仗的軍人,怎樣喜愛打仗都好,都想回家再次歸於平淡.
我就很享受平淡安穩的生活,很喜愛每天寧寧靜靜地過,不過我都只是一個普通人.而不是神.想去打破平淡的生活.可惜錯過了一次的我,不會再次忘記教訓.今晚的感覺很奇怪.奇怪得另我有點不知所醋...

今晚老毛病又發作

成晚都眼光光,個腦入面都係佢既身影.成日都係到諗佢既野.都唔知點解會咁,如果呢個世界真係有神既話佢應該會話比我知呢d就叫愛.
有時我都不得不成認我對佢過份嚴格,其實我對自己亦十分嚴格.其實即係視佢如己出.佢做錯少少野有時我真係大發卑氣,但係我又可常自己做錯野唔係恨恨咁教訓自己.佢又唔知其他人其實無咩本事可以了起我把火.只有佢可以令到我嬲到成晚都訓唔著.令到我想佢想到成晚訓唔著.
佢又常常問:你鍾意我d咩?又話我成日都唔讚佢.我一向都唔係好識讚人,有咩好讚?人地做到既野我一定做到.其他人可能好善務佢有一個我咁全面的男朋友,但係我就以佢為榮.其實應該係上天安排佢比我,收服我呢個野性難純的馬流.
佢有時都好Q Trouble,又Q鍾意訓覺,但係鍾意就係鍾意.無得解...不過通常我需要佢既時候佢就會失左蹤.係我唔需要既時候佢又死都要足著我.呢條友都唔使講就係我想現在見到的人.

你是一個單純優秀的男人

曾幾可時都聽過n次呢句說話.都係出自女生的口中
不過只是你們未認清楚的邪惡的一面.你們多一點人說這句話,我的內心就覺得受唔起.
我真的單純沒殺傷力嗎?最少我自己唔係咁認為.
優秀...我唔係果種天才型的人,我只係屬於果種有小小聰明,但是冷靜得可怕的人.
不過我對這句說話受落,但是討厭.人人都愛聽這些中耳的說話.但是心思細密的我..
本身我就是一個不折不扣笑裡藏刀的真小人.那有單純?
某女甲:你真好呵一個大男孩在中國做事都不包起一兩個女人 (-_-!?你估我唔想咩,只不過當你做左某一樣野既時候會引申出令外一個更大的問題.而且會面對一個極ma Q煩的人..我先唔會咁笨.忍下會死咩?)
某女乙:你真利害,一個人可以飲這麼多酒跟人談生意(-_-!?你估我想嫁咩,夜ma ma返屋企訓下覺好過,d人係要飲下先談得成無計嫁,飲完第二朝就知價錢了)
我真的優秀嗎?唔係好覺,只係咩都唔服lose,人地做到,我仲咩做唔到?

會經擁有的東西是一定會失去

無論你點樣努力都好,當你一生之中就算比你拿到億万家財都係會失去.
你有的朋友,親人,情人,子女...所有的野都會隨著命運的安排一一失去.或者你是比失去...
因為每個人都離唔開死亡.當得到一樣野的時候亦代表你失去令一樣野.
尋日姐姐對我說好怕拖累了我.因為我本來有的高薪厚職,我又本身又有咁多積儲.宜家要成副家當拿出來同佢一起辛苦.真係好驚累了我.
我答她:你不用怕,兩姐弟有今生無來世,邊有得計嫁?或者你宜家係帶陝緊我呢?就算真係卜街最多咪一起卜.我本來就係咩都無既,就算宜家變返咩都無都唔緊要嫁喎.就算我最後失敗到咩都無的時候.我都仲有我最可靠最信任的最後防線chan.我最多變左窮光蛋既時候咪食佢老軟.之後佢就係到笑.

孤狼

呢個係我其中一個網名.好簡單孤單的狼
好少有咁多次的感覺,近排的感覺好無助,無論係私事公事的感覺真係好無助.
一個人係屋企支撐大局,一個人係展覽會上飛奔,肚餓無人知,肚痛都係無人知,在想什麼更加無人知.
私事上一向都好少有人可以做到我既要求,好難搵到一個人可以處理一件事完全合乎我的要求.呢個情況一向都係咁頂得住.
但係工事上,一向都有一隊人係我身邊support我,做我既backup,但係中國office放假,馬來西亞的office仲等人用過我.唯有咩都自己搞掂,但係工事上又多一個敵人令我陪感壓力,可惜咁樣都仲未有能力打低我.但係真係好累.返到屋企真係一聲都唔想出,更加動一動都唔想.連煮野食咁簡單既野都無能力去做.真係累到爆燈.
一個人訓係沙發上呆著的感覺...隨即就想起...孤

自己的過失

自己有錯,就要自己受.
今次終於中招,個手指U Drive 唔知放左去邊,搵極都搵唔到.如果搵唔到就卜街.勁多資料係入面.
幾鬼驚.好彩到最後原來放左係個 LV袋入面.松返一口氣,不過浪費左好多時間,慘!一整天的時間

黑仔達

尋日睇完波,今日訓左幾個鐘就起左身.又肚痛,不過是旦照上大陸!
都唔知咩咁黑仔...
都唔知個手指Drive去左邊,搵極都搵唔到,真係激死人.
今日返大陸開始要做野,一返到屋企講左一句:Oh!No!
我間房部電視成部由兩米高跌左落黎...仲壓爛埋張床+幾塊地板,好彩我唔係係到訓緊如果唔係後果..下次都係買LCD電視

又比我估中

由我暗示到明示足足用左27個鐘,提示超過三次.
到最後-我出最後機會牌,我都知佢選YES的機會應該得兩至三成,但係我十万個希望佢會選中呢兩至三成的機會.但係佢有7成至8成的機會係選NO.我完全訓唔著,係心入面盤算佢有幾多機會選中.有多有多希望佢選中.事實証明我對佢的了解真係十分足夠.我完全訓唔著,現在佢應該呼呼大睡...給你的話:
你不停說我有多自私,我有多自大,我有多唔重視你.
但是話比你知,我有多重視你有多緊張你.十分簡單一個例子:係呢個世界上,只有你先可以成為我唯一的弱點.令我可以生氣生氣得像現在一樣不能入睡.亦只有你睡在我旁可以令我安穩入睡得像個寶寅一樣.你一句NO,其實我係多麼想你答YES.只不過我又不想你做你自己不願做的事就不想再跟你炒咀.
你不停咁說痛苦,其實有d什麼痛苦?痛苦的只是你活是我光芒四射的影子下面.我有個人能力,你沒有.我有極強的體力,你沒有.我有超高的IQ,你沒有.我有大量的女性朋友,你沒有.但我都曾經跟你說過"比我再選多次我都是會選你."你什麼都沒有,那又怎麼樣?我愛你就已經足夠了.再有千百万個優點都不吸一個我愛你來得重要.但是你又有沒有考慮我有多苦呢?你都識說:沒有一隻貓不食魚的,我現在說給你知.我就是那隻"死剩的貓".我不是不食魚是要等到我應該食的魚才食.你一方面就係到罵隻貓偷食魚,但一方又唔比隻貓食魚.到最後隻貓只有令找他魚.
突然聽到開鐵閘的聲音,我有多想是你的開門,可惜我不用看都知結果,因為我始終都係鬼谷子神算.
其實你的心已經變得好"野".只不過你自己沒有發覺,有時我比你更驚你紅杏出牆.對於細心觀人於微的我,你所有的野我都有放係心上,所有事我都會放在心中.丁點兒都唔會留露你面上更唔會係說話上,有d野講左唔可以返轉頭.痛苦的勞動節...好標題既然咁痛苦,唔好再痛落去啦.其實我要求都好簡單.你亦都知.有一個咁既男朋友你仲想點?宜家好似唔係我要求你,係你要求我連僅餘最後的一樣野都千就埋你.就算我有野要你幫,你有幾多次係做到?次次都係我自己執返手尾.係我對你太好,你有壓力好似搞到我對你有要求咁.我有咩要求??
算吧啦,係頭先你Yes/No的MC入面我已經Promise左自己你選左Yes就算啦,你都係一時貪玩.不過你係選左No.我聽日會走,走左之後短期內都唔會返來,我唔想你再搵我.亦唔會比你搵到我.我亦唔會再搵你.不過你搵我都無用.大錯既已注成.