港鐵車長面試

今日去面試. 我早了30分鐘到.是一個好正常的舉動

今日的狀態其實唔係甘好. 不過都ok. 很準時早五分鐘就叫我的名字.

入到去一男一女. 睇左我既經驗同學歷. 其實本身我的工作都不算一份工作..車長去見下純為左去玩下. 第一句佢竟然...please use english introduce yourself. 我即時真係O咀. 我心中想著車長都要用英文介紹自己? 果下我停左五秒當然五秒後我就開始介紹自己. 我的英文都仲叫見得人.最少係Business上我都仲叫應付有餘...大約兩分鐘的英文對答我都仲叫OK. 不過之後轉返中文...佢竟然同我講要兩三日轉一次更.即係今日返早更...三日後可能返夜.....嘩...如果兩三萬我都可能制既...甘返法又唔係高人工.我即時想閃人....我已經無心戀戰. 應該佢就算有offer比我我都唔會做.

我不夠壞

懶好人...我很怕這個名.因為我本來就不想做好人.更不想裝好人. 不過世事往往就是很奇. 我愈想去盡力做好一個壤人. 卻偏偏做不出壞人的事.我真的做不出...真的做不出來.

港鐵筆試貼士

宜家甘既經濟環境好多人卻以為很好.但我卻認為很差. well不同人有不同的觀點. 我呢個所謂的受薪董事都想去搵工做.實在係太悶.去港鐵apply做車長. 開頭以為好易搞定.點知原來都幾煩. apply左之後一個星期就叫我去筆試.仲要指定時間地點.我就係星期六的上午9:15am開始,地點係九龍灣地鐵總部9樓.其實9am招集9:30am就開始.佢已經講明要考英文同計數叫我一定要帶計數機.
英文我都幾有信心.未溫過書就去.本來諗住帶計數機.最後唔記得左.好搞笑.8:30去到九龍灣理論上叫人幫手拿部計數機應該仲夠時間.不過我對自己的數更加有信心.所以都係筆算啦.
入到一間都幾標準的班室.好似平時考試甘...我入到去的時候已經係得返一個位.就係坐係監考的地鐵職員前面第一個位. 算吧我一DD都唔驚. 個職員對我無帶計數機都幾驚訝. anyway我一向都唔理人點諗.30分鐘一派卷即開波.份卷係
有四篇都大約100字的英文文章.每篇文章問四條MC.總共16條MC 個人認為唔算易亦唔算難.
之後一條數學短答, 一條數學長答.都係d錢找來找去的問題. 只要有一定數學底筆算9成都唔會錯.計數機反而變得無咩用. 用左20分鐘做完.全班第一個做完..我既感覺係我超哂班. 可能係自大. 不過20分鐘已包括2分鐘的checking....突然我肚痛問佢我可唔可以去廁所.佢問我做完未我話做完. 佢比左個色盲測試我做.我就走人去廁所...

優速快遞 最廢的快遞

近來順豐加收上門費一單加18蚊.嘩..真係誇張.對於長期用快遞的我來說真係幾誇張.試下用其他公司上網搵下優速幾平喎.
第一次用對板喎.. 今日發都係後日到差唔多啦.優速平大約3成.又無上門費....之後今次一次過用左佢成十單貨分別由不同地方發....點知一件14號廣州發今日17號都未到....我打去熱線永遠都打唔通.打得通就十問九唔知...另外一單仲怪.我用轉運...佢收左我件貨之後唔幫我發我叫佢退運佢走走收我錢....果支野只係一支化妝水...佢開頭話係藥品唔運得.我之後話係化妝水...佢話化妝品唔得. 我話水一支都唔運得?佢話係...我唯有答佢.甘你唔好開快件公司了.咩都話唔運得. 最後我叫佢轉發去我老婆大陸廠中...同佢同樣係東莞都收我8蚊...我講到明以後唔會再用佢地服務.所以又係黑店一間. 不過快遞行業有幾多間唔係亂到7彩......

收奶茶 藥方 配方

• 麥芽 淡豆豉各二兩，用三碗水，稍為浸一下，然後煲半小時. 分幾次飲.之前用過效果好好...岩岩寫完廿8方.突然記起呢個有用.寫低先

世事難料

近幾日開始再始工作起來.就好像一台很久沒有開動的車子一樣.我都知道會有這個結果,力不從心. 再加上同時要讀書, 簡直突然由天堂跌落地獄一樣. 但是我極高的意志加極高的EQ.我相信我好快會開始適應熟習. 有時真的想不到我還會有'打工'的一天. 更加想不到我會去找份粗工來做. 更更想不到我下一步竟然係想搵一份更加粗活的工來做. 雖然再次開始工作有點辛苦.但卻好像生活一下子變得很充實.由百無了賴的生活.變得開始忙碌.那個人的精神開始像熱了身一樣精神百倍.

今日一放工回來已經是差不多十二點的事情.用超高速食了飯, 沖完涼,超高速整理好老婆網上拍賣的貨品. 已經是一點多的事. 開始處理自己公司的一些工作又是極高速下. 一定神來已經是兩點的事情.明天又是返12點的工. 有時這些生活究竟是充實還是笨呢? 我現在的工作可以說是輕鬆到極. 但人工卻是我有史而來最低的. 但我的心態只是想識多一點的人. 看多一點這個世界. 更重要的是我再幫自己部身體機器再次點燃起來.  現在我已經感到我身體的力量其實真的十分大.可能真的有比較. 大家一起做相同的工作.我比其他同事做得快. 但我卻感受不到一點的辛苦.只是有點眼訓. 因為太過容易了. 但他們卻說很累很辛苦..原來體能真係涯出黎既.

雖然已經是兩點來的時間. 我都開始好眼訓了. 我還是努力由yahoo blog一個一個copy and paste搬過黎呢到. 都幾多篇下. 而且copy and paste個時間錯鬼哂..好彩我大部份都有time stamp.  呢次已經係第二次搬了.對上果次係由QQ搬過去yahoo.宜家又要搬.yahoo真係煩到爆. 十年都無進步-_-真係抵佢死愈做愈細...唔知幾時先搬哂.

精神分裂

我肯定自己不是有病,亦不會有這個病. 但是普遍好多人其實都已經有精神分裂. 例子一: 教仔的時候,明明把口話唔綜佢.但係做出黎卻是抱著佢黎錫. 例子二: 明明減緊肥經過雪糕店卻把握不著吃了杯極肥的雪糕. 例子三: 考試既時候又驚唔合格. 但係又唔去溫書.明知唔溫書實唔合格. 又想合格但係又唔溫... 呢d例子每天都在身邊發生.呢d唔係叫精神分裂叫咩.... 明明唔想.最後卻做了. 好像做人無咩原則, 不過這個情形卻發生在每個人身上. 這個徵狀都係會係我呢個奇人身上都時會出現. 明明話好鬼憎小朋友, 聽到個仔叫兩句就...唉算啦.好鬼煩.就去應佢幾下....應左幾下之後又幾下....煩到出汁...明明好鬼激氣. 突然間唔記得左嬲緊d咩. 所以都係算啦. 有時健忘都係一個好處...