記住

我的感覺話比我知,我一定要記住呢一刻的感覺.一定要,再擺時間係呢個人身上係一d都唔值. 無論我點樣做,做左怎樣的犧牲,到最後的結果都係唔會正面. 只會不斷增加負面情緒..幾天不斷的吵交. 真的很累...累到我連行都不想行. 前幾天有一晚吵完後我的心真的很痛.痛到化成了實質上的痛. 痛到我以為自己成為家族中第一個心臟病發的人.

剛剛吵完一場交,我還是盛怒當中. 不用幾分鐘她卻可以乎乎大睡. 有比較就自然結果突出. 相比起尋日工人說要resign的時候,佢竟然係成晚訓唔著. 但同我嘈完一大輪.不夠幾分鐘就可倒頭大睡.相比起之下我是幾微不足道的不重要. 我這個微不足道的人還是在幾小時前幫她解決了她令她整晚無睡過的'工人'. 原因好簡單,因為確信我飛亦飛不到去那裡. 原來我只是一個工人都不如的人. 但我卻是一個大人物, 只是我知道我要做個大人物,犧牲的就是家庭. 所以我寧願做一個平凡的番薯. 

我的感覺話比我知,唔好再對呢個人有任何希望, 唔好再哂自己的時間係呢個人身上. 唔值得.真係唔值得. 我唔想比我這種失望再出現,唯一的方法就是唔好再有希望. 亦唔好再做出令自己有損害的野..宜家的心情就好似入左驚世大騙局, 以為自己做出正常人都做不到的犧牲, 有一天會有回報的時候. 卻發覺原來自己很傻, 這個只是一個無底深洞,無論我放棄什麼東西,投入去什麼東西. 只會化為烏有,不會有任何回報. 我以為自己是掌控一切的番薯,原來我真的只是一舊番薯. 

如果

有一段時間我只想活在夢入面，在夢入面我不用理會現實的限制,我想干什麼便什麼?現實真的太殘酷。我寧願留在時宜恐怖時宜開心的夢中。還記得當年看盜夢空間，當中有一段情節講述有一班人寧願永遠留在夢中都不想回到現實的世界。當年我已經很明白這個道理，可能我還會成為‘一份子‘今早醒來好像沒怎樣睡過還是倦倦的樣子 。腦中還在想尋晚的夢，尋晚臨睡前的發生一段小插曲已經發生過無數甘多次，每次的發生我其實都不明白為什麼會發生。對於這個插曲已經沒什麼感覺，麻木了。  入睡後發生的‘事‘才在我腦中回響。我回到那空白的兩年當中，在那空白的兩年我不再空白。後果可以完全不同，結果當然是過著無憂無慮的日子。當然我現在都可以說是無憂無慮的日子，只是我找到一個更強更穩定的backup。但是如果。。。這個世界上是沒有如果。

天使

當愈接觸得多人就愈發覺這個世上魔鬼永遠都是比天使多。其實我沒有足夠的資格去評論別人是魔鬼還是天使。因我本來就是不折不扣的魔鬼內心很多時都是黑暗。我相信每個人的心中都有黑和白兩面。我亦知道我心中黑的力量比白的力量強大很多。我曾經試想過像絕大多數的人一樣想依靠宗教的信仰把心中的黑暗驅除。但看到街上面街的偽基督偽教徒。我寧願做一個真魔鬼亦不想做一個偽君子。就像坐我對面兩位偽人一樣滿口都是星期日要返教會，某某天教會有活動。但另一邊卻討論著那個教友好正，要找到幾多幾多的錢。就像用一個華麗的瓶子把它的腦袋浸在黑得要命的水中。我就像那條狡猾的蛇一樣。忍不著彈他們幾句，他們就好像見到神跡一樣。這樣的教徒。基督呀基暫，真係比你激到彈起。
這段時間入面我相信係我短暫的人生入面算是極之黑暗的一段時間，看起來沒事做，每天不用上班又有糧出。實在豔剎旁人。但當發覺一隻本來在草原上有著尖牙利爪稱霸的獅子。有一天發現自己牙已經不尖，爪亦不再利了。每天只在動物園入面無聊地跑。就很想找條出路,那條出路是什麼?看不到，我很想身邊真的出現個天使帶我走出黑暗，但是世上真的有天使嗎?
在這段時間入面不斷到處走去接觸多一些的人，去解決我開始打結的咀巴。我發覺原來我擁有的野比其他人多。我已經很幸福，走在街上有著各式各樣的人。我不可能看透每個人的心思，所以有選擇地去選擇一些天使外表的人多於平平無奇的人。好多時發現天使外表的人通常都有著邪惡的心。更可惡的是有些沒有天使面孔，更不用說普通，卻有著醜惡的心。接觸到這些人多次後，我發覺我太幸福了。我身邊最親的人樣子不算是天使，但她的內心卻比很多大部份的人可愛美麗。

懶好人基因

上個星期發生順豐寄錯件果件事之後，我曾經花了很長的時間問自己：明明講到拿貨黎一換一。點解我果時會比佢拿走件貨失去了主動權。第一通知佢已經係一笨.第再笨就係先比返佢好似精神病甘。唯一可講的做人其實好多時都好矛盾。講常決定每一件事都會有天使和魔鬼同時獻計。把口自稱魔鬼的我郤常常選擇了天使那邊的決定。卻是咀巴上硬說自己是一個無可藥的衰人。我曾經很多次叫自己撤底地做一個確確實實的舒服的衰人。每次卻精神病上身。兩下就打回原形。我很想真的很常做返一個舒舒服服的衰人。好過做個辛苦吃力不討好的懶好人。  

底線

有條友成日都教我做人要有底線,每次他說這些廢話的時候我就會很生氣，因為我認為他沒資格去教我。不要說教我做人的道理，就算是和我說話的資格都沒有。像我這樣成熟的人要你就教嗎？你搞定你自己先吧。
說起底線我做人就真係無咩底線。對著個仔，真係十分矛盾。講明唔生又生，講明唔湊又湊，講明唔請工人又請。到搬返去外家住所有的行為都好像完住脫離了我根本的性格到最後又催說要搬走。。。有時我已經做盡我所有可以做既野。就算明知係錯係白痴都中個頭埋去。就好像今晚明明唔關我事的事情，可以有更好的方法去解決。我卻不知道為什麼下把個仔強拉在身邊睡覺。其實係睇著佢訓我無訓。心中有千百萬個為什麼卻唉算了吧。嘈多都係浪費口水。有時做好人做咩？做一個堂耀正正的衰人仲樂得快活。  

1+1 = 2. 1-1 =0

看似很簡單的數學,世事卻不是那麼簡單. 道理亦然看似很簡單.實行起上來卻是很難

自己湊就辛苦困身,奶奶湊話唔好,自己呀媽湊又唔鍾意, 無工人時話辛苦, 到有工人時就話難教嘔血. 我唔知應該點做.
請左工人我都仲係甘困身,我都唔係好明點解. 甘不如唔好請.

我唔係好知,如果兩公婆結左婚.老公向老婆多次提出性的要求,而老婆不斷reject. 到最後老公對老婆唔再有興趣的時候會點. 都係講果句'唔係屋企食可以出街食. 

淘寶達人教路: 淘寶網買野千奇唔好用德邦物流,黑店!

先睇兩張相,圖一就可証我夠哂資格叫淘寶達人,圖二就是用德邦物流黑店的証據
事發經過:在淘寶買了些東西,店家說他付近沒有順豐只有德邦物流比較近.那就算吧就用德邦.不過價錢其實同順豐差唔多.
5/7號發5/12號先到香港都算數.鬼叫自己第一次用佢試下都好啦..去荃灣工業區提..去到提貨地點.都算偏僻.不過都算啦.上到去簽收完.我諗住拿件貨走.佢欄住我
當時個職員話:要收50蚊文件處理費.
我答佢:運費當地已經比左,我又唔駛你地上門住宅區送貨我只聽過上門費都係20-30蚊.你地有咩文件要處理呢?
佢話:呢個係公司的制度個個都要收50蚊文件處理費.
我答:大佬我運費就比哂.比貨你地運的時候你地有無講話要文件費? 係無.宜家貨係你地手上你地話要收幾多錢都得.
佢話: 呢個係公司要收.個個都係甘比.宜家50蚊又唔係好多.
我:問題唔係幾多錢到,係原則問題.如果寄果時你地講明要收.我即時找埋數比你都得.宜家我比哂運費. 提貨你先同我講話有付加費你宜家話收5千都得嫁啦.
佢:總之你就要比左文件費先可以提走件貨.
我: 如果我唔比呢?
佢: 甘無辦法你唔拿走得.
我: 甘你地同勒索無咩分別,我宜家即時報警.(隻手已經打電話去1083問荃灣警署電話).
佢: (態度即時180度改變) 先生宜家收你50蚊又唔係好多,駛唔駛搞到報警?
我即時拿出銀包中都有幾千比佢睇: 呢個唔係錢的問題.係原則.你地呢個行為已經犯法.
佢: 得得得,你幫我係呢到簽個名就拿走件貨,你下次唔好再用我地公司了.

甘樣都唔叫黑店叫咩?我自提要收文件費...你話上門收上門費我無野好講.係人都知上住宅要收另外20-30蚊. 我去你公司...都要文件費.貨係佢到真係任佢開幾多都要比如果我唔係甘強硬. 所以千奇唔好用德邦.可能佢見你貨值高,到時收5千