平淡的一天

早上9點起床洗面刷牙駕車返公司開始工作吃飯再工作,6點幾走人返屋企食左8塊白面包...吸塵拖地打掃,洗了兩洗衣機的衣服,摺好新洗好干了的衣服,上網再工作...累了,打一下遊戲吧...轉眼間兩點...突然...看到一隻小強...竟然出現在我的睡房中...沒可能...我這房子一個正常人無理由可以住得久又怎可能可以養得起小強呢...但是一想到會和小強同一個房間睡就立心要"殺強滅口"..拿出個拖鞋...去了拿的時間...一回來..已經發現它..在我剛洗好哂干的衫上爬呀爬...大哥...那里是剛剛干了的十條褲子...你在那裡遊玩...我又要再洗...對於有潔癖的我來說真的接受不了@_@ 算...一下就擊殺了它...但唉..難為了我的褲子...算吧.拿出去廳放著明天洗吧.
想上床睡了...突然肚子作痛...頂又肚子痛..找找藥箱.發現竟然是沒有喇叭牌...就這樣又他痛吧..拉了5,6次...到現在都還在痛...很想念喇叭牌立即生效的快感呀!!!唉沒聽到助手的說話用玻璃瓶裝著喇叭牌回家...現在要的時喉T_T...好痛呵

機會主義者

剛剛跑步的時候,腳在向前移動,但是腦中已經沒有意識地出神.
回想起甘多年的機會,對我來說,我真的一次都沒有錯失. 難怪我自認聰明, 不過真的回想那麼多年.有機會的事永遠都把握得很好,就算是機會很微的事.成功率可能只有兩成三成.只要有機會我還是會去試.一件事有10%的機會.可能做很多的事情令到這件事機會上升1%,2%,5%能力在內還是會盡力去做. 這麼多年來雖不敢自比孔明管仲. 他們的穩陣機智口才,我是萬萬的追不上.但是我穩中有博,博中求穩. 處理很多事情都是這個態度要取勝有時難免要聽天由命,即是在博亦中取勝. 不過有些"機會"我住住不會把握,什至亂來.變成有機變無機.無機就變有機...奇怪不奇怪.

理智?還是太高智慧?

近來不斷做一些自己都認為自己很柒的行為.
但是還是要去做,原因? 沒有吧.可能真係"愛"的表現吧.
有時想下,點解很多年前話養大一個小孩要4百萬.可能唔只可能係4千萬.以普通香港人這樣羊群的心理不知道什麼是"獨立思考" 人有我有,人地有我沒有就是不行.近來經常行賣bb用品的地方. 有時真的不太明白,為何會有這些東西出現,亦不太明白是怎樣去制家價錢.
一個普通的奶瓶...前幾天和媽媽飲茶時才提起我果時飲的奶瓶3蚊一隻好一些的要5蚊一隻.不過...宜家拿埋都要40,50,60.80過百的都有.一個奶瓶的材料成本甘多年來加了很多?不是,那應該是3蚊的會吃壞人的吧?最少到今天我都仲係好人好姐.為何有廿蚊,有50蚊,100蚊,200蚊呢?商人的鬼計...加個什麼什麼防敏感,什麼防菌,什麼PPSU全天然,一大堆名上去唯一的目的就是賺你多點錢.
1kg所謂的嬰兒專用洗衣粉.成為95蚊.2.5kg的潔霸宜家supermarket賣緊40蚊.除返一公斤即是16.足足6倍的價格.唉...潔霸有毒!BB唔可以用嫁!死...甘大人一樣唔用得,可能聽日中奶粉--唔係係洗衣粉毒身亡.個人估計入面的成份99%都係相同.所謂的BB專用只係美化的名.點解甘多父母搶著去買?又係太緊張吧..我們那個年代難道有什麼嬰兒專用洗衣粉?有潔霸嗎?沒有..
你這個人都太沒趣吧.BB一生人會出多少個呵.你又不是沒錢用.要去慳那一丁點兒錢嗎?不是慳的問題.是看破了太多商人Marketing的Dirty,好像給人騙了的感覺.一個奶泵3千元真的和那個5百元的差很多?速度差6倍嗎?應該不會吧? @_@ 5百元的貨式都是名品牌呵.事實就是人家懂得去行marketing. 你懂嗎?
一走進Jusco, Yata, 等等有大量的"BB專用"的產品. 真係好誇張...好多人--不是人是羊,搶著去買.唯獨只有我這個還懂得什麼是思考的"人"去想一想,這件東西值嗎?真我有必要"BB專用"嗎?就很多人說的論點"大人同BB的衫"不可一起洗.太緊張了嗎?我都覺得沒必要.很多人都說大人多細菌所以不可一起洗.但是...我們所在的地球....細菌已經係到幾億年...人類不足一萬年...要不就搬離地球吧.  不過到了其他星球還是會有細菌的.
說了那麼多"Bb專用"的不是.你可以選擇唔去買.買的權利在你手...對,在我手.我是絕對的理智,絕對的清醒,不過香港清醒的人有幾多個,不多.包括我身邊的那個都不清醒.

賤男

人人都說男人是賤格.臭男人.對我都覺得.雖然我自己都是男人.不過看到這麼多的CASE有時都真係忍唔著罵返幾句.
之前的賤男已經是夠賤的了.剛剛看到一位女性朋友到了適婚的年齡理應就是這兩年結婚的啦.我心想她都應該打風都打唔甩..今天看到竟然由'交往中'變了'單身' 看到的時候...不敢相信.這個女生和她相處過應該沒什麼問題應是一個比較聰明的女生.和大多的港女比較都應比較優勝那堆.不過竟然變成了單身...在地鐵上突然想起這件事..再想想...呢個男生印象中都好多年...好心佢啦.明知唔想同人結婚就早早放生人...人家宜家都三十幾..最光輝的十年都斷送了...
再想一下自己.原來自己對比起那麼多賤男.自己已經是比較好的那堆.

潮流

自問不是一個可以追上潮流的人,最少我沒iphone4, 沒ipad2, 沒有3D電視.穿的衫有很多更是 穿了十多年的舊衣.反正還可以穿又沒破沒爛為何要買新?
近來發覺身邊的大陸朋友個個都去玩微博..有咩好玩..咪同blog一樣.不過blog多字D微博就有字數的限制.突然發覺真係少左好多人continue寫blog.多左人去微博.不過係甘嫁啦.香港人咩都係潮流,羊群心理一窩蜂去做...我更加不值一看那一堆跟著潮流走的人..其實blog沒什麼不好.就是用了個空間說出自己想說的東西,只是不斷活在不字中.和自己的心在談話.人家怎麼說根本就不在乎.微博反而和別人多了很多communication.不過潮流就是潮流.微博的確太火了.
潮流更加隱身到富爸爸和窮爸爸的故事.還記得富爸爸的辦公室台子是用了十多年破破爛爛的.身上更穿著一件破破舊舊的汗衫,反而窮爸爸穿的西服富麗亮華.現代來說可能在袋中一拿出來就是ipad2, iphone4.不過每個月的月結單來到就頭痕了.你寧願做富/窮?

變態

今日係網上同一些舊的Net Frd傾下計,講下近況.
Net Frd固名思義就係係網上認識而未同對方見過面.雖然他們很多已經成為了real Frd,出過黎食過飯見過面.但係對我來說Net Frd 始終是Net Frd.唔會有本質的不同
講到近況,我講左幾樣大陸屋企的野比佢地知,佢地都話我係唔係痴線.簡直就唔係人.
1) 我屋企無電視睇,佢地大多都係甘既樣"O.o" 點解?大陸電視基本上都係正面的消息,只係不斷幫你洗腦洗腦再洗腦.而且大陸人大部份人唔係有錢.一個月收成35蚊電視費.對於一個香港人35蚊係好少.但係白比35蚊.仲要比人洗腦就真係寧願唔比.佢地聽完都覺得好笑,現化人點可以無電視係屋企我話有,不過係無用的.
2) 屋企無煤氣煮野食/沖涼. 沖涼用電爐.大陸用的gas到宜家大部份都用緊香港60年代一瓶瓶的石油氣..事源著大約一年前..剛剛煮食爐用完一瓶氣.叫人換了一瓶新的.其實宜家大陸石油氣唔平要成舊水一瓶25kg的..不過換了支新的我過幾日返到屋企...想開燈的時候突然發覺好大陣石油氣味.當然無開電燈走去開哂所有門窗...如果我發覺遲3秒,一開左燈可能就係甘玩完..當然最後找到原來係個瓶本身就係漏...大佬新瓶都漏...大陸真係信唔過.唔用算數.過左幾日買個電磁爐舊幾水.夠安全.點都唔會爆啦掛.
3) 自己整電熱水爐.佢地一聽到好奇怪..我就話返佢地...你地真係溫室長大的人...自己屋企的野壞左當然係自己試下整先.不過佢地聽到我自己..竟然整好.就仲奇怪....其實有咩甘奇..呢d基本生活技能
4) 屋企的燈制差唔多所有都壞哂先叫人黎整.仲要整廿蚊個.廿蚊個係正常價啦...不過如果唔係有客到我都唔整.有燈同無燈.對我黎講其實係一樣
5) 我講左呢個之後...聽到的人仲覺得我好似原始人甘.就係我個雪櫃就快壞.壞左之後唔整唔插電,食哂入面的野.直情唔用雪櫃.個人認為一個人住我又唔係成日煮野食.宜家又唔係成日係大陸果邊.而且日後我都估到終有一天要撤退.唔用雪櫃我一d都唔覺得有問題.不過呢個我助手聽到之後都係到笑..佢話你屋企可掛個"XX寺"的牌係門口..
我答佢: 我生活的方式一向唔同別人亦都唔理別人的眼光.我鍾意點就點吹咩.

近來的生活

近來每日我生活可以說是很空虛.亦都可說是很充實...喂..是充實還是空虛呢?
事業:公司已有小成.基本上返不返工已經不太重要,很多事都可以留係香港打幾個電話,上網講幾句.每個月有一筆可觀而穩定的收入.就是我用了8年時候過著一些不是人過的生活換來的安穩.
每天睡到自然醒,對我來說的自然醒其實都不太自然.習慣了公事上8點左右就自然醒,每天如是.起床開電腦上網,看一下今天有什麼公事要做,通常大約10點就安排好了今天所有的公事,如果沒突發事件沒特別事就是呆.
近幾個月內子有了身孕一下子很多事情都改變了,10點開市後看看股市今天有沒有機會買貨賣貨通常大約一小時內就知道今天有沒有機會.11點前就去茶餐廳食個早餐 .之後就去買送...係一間中型公司的老細竟然早上的活動就係去買送準備今晚煮飯比老婆食. 返到黎通常都係12點-1點之間.要保湯的就先保落湯.有心情就回老家看看多病的母親.之後基本就就無咩世藝.如果家中的洗衫清潔等等家務都沒需要做的話.有時去做下運動,跑下步,出街睇下野再唔係上網打下機(又真係幾宅男-_-)如果有公事要做就要取消其他私人活動坐定定係家中電腦前面做完,又去做返自己的事.內子說我...這是腳food food走周走...一個下午有時都幾難過.晚上內子一踏進門口,就可以有老公親手煮好的住家飯..食完..老公洗埋..之後再服侍好老婆...10點幾再暗老婆訓左...又返自己的書房做自己的事. 一天就是這樣子過了. 對很多人來說,這些夢一般的生活,不過有時我真的很困惑自己的能力.現在的生活就是把一條蛟龍放在金魚缸入面養著.有天一般的能力,卻要求自己好好留在魚缸中打理好這個魚缸的魚媽媽,魚仔仔,還有舒服而簡單的魚缸.一條蛟龍每天對著這些魚,會否被同化最後只是變成一條簡單而純樸的小魚嗎?
有時一個人呆的時候自己在想想,那天我會否變得一無所有的時候我還可以出去一家小公司中安份做一個文職收那恥辱的一萬多元港紙的人工?可能只有8千吧...你根本沒有工作經驗呵.你只是做人老細沒文職經驗...可能六千吧.哈哈六千元..六千元...對.你現在1百萬人工都好.你寧願每個月苦著口面去拿那一百萬人工.還天無憂無慮快樂地去拿那羞恥的六千元?很多人都會選一百萬.更可能說有更多的仲好.很多年前的那天我都是這樣子想. 不過今天我會說給你知,我會選又要一百萬又要快樂無憂無慮.太貪心了吧. 對人本來就很貪心.很明顯這問題沒有預到我會這樣答.如果真的要二選一我會選六千元,原因只有一個失去的比得到的更多.