新玩具

PS2! PS2!PS2!價值1099人仔(包改機)的PS2Slim.係大陸真係好鬼悶,上網又慢到傻,睇電視又係無聊.有我另一半送比我的PS2!係大陸買PS2老番真係超平,3-4蚊就有一隻"原裝刻錄"的D5,D9都係8蚊...以為放工返屋企呆都ok啦!!雖然舊就舊左d,宜家d人都買PS3,WII, Xbox, NDSL, PSP,但係我份人就係咁鍾意就係鍾意.就好似我鍾意chan一樣.

放左上去的圖.個LCD TV又係新的,不過係次貨,中間有一條紅線,但係真係好平700蚊only,仲要係SAMSUNG.下面果部就係PS2 Slim^_^

買左部新機我最鍾意射槍,即買支手槍,網上價109蚊人仔^^不過唔知得唔得..買左槍唔記得左買GAME

晚餐

尋日的晚餐.就咁睇真係唔知咩黎的.
登登登,登!開估,就係BB食的糊仔.
尋晚見唔係好想出街食野又想慳d用的情況下...又唔想係屋企食即食面...用左:過期奶粉+過期的BB糊仔+過期的麥片 ->過期的白色物體...不過真係好難食,但係有營養又健康.最出其的係...無事!嘿嘿

我是天才,但不是超人

有時想想下,我是一個好聰明,能力好強的人.但唔代表我係超人.咩都叫我去解決.我邊解決到咁多?
工事我已經夠累了,公司的工不斷地發生我不斷地解決..但是都要硬著頭皮去做吧.
差唔多到年尾,工事已經十分十分的煩,錢係一個問題,仲有好多問題會顯生出黎.仲可以聽到一d好不負責的說話:"公司入面的事都咁復雜,呢d好少事姐"...小事...不如咁...你覺得少事,咁你做,我睇.既然咁咁easy,咁我就放手.咩都見唔到.
同一時間發生咁多野真係有d吃不消,最煩就係有幾條無拉更的人不斷發聲.真係煩到傻.又要顧全呢個的感受,又關懷那個的反應.咁我呢?邊個睇我?
我係萬能唔代表我係超人咩都做到.我都有我自己的煩惱.宜家係兩個人的事,做咩要理咁多人的感受?來就來,不來就吧.我想我都是太好人了.有時做下衰人反而容易d過日子.

一個人大陸的生活

有時係大陸真係好鬼慶
先講上網
月費講貴又貴過香港...速度又又烏龜到爆...開一個website 有時要成分鐘...仲要下下比個假IP,你想打機?龜速+假IP你咪想.唉算睇下新聞BLOCK,睇下4仔BLOCK,睇下forum都得呀?敏感的uwants,discuss.com.hk你都咪使上.照BLOCK.連睇下其他人日記Xanga都BLOCK.有時想問下大陸搞internet班人,你地是不是低能的?最慘佢block還block..佢地又唔係唔知世界上proxy server攻破呢d block script.只不過係超慢load得...真係低能到爆.
再講電視
你地係香港ATV TVB賣廣告以為真係全中國都睇到?電視節目就係全中國都睇到.廣告?全BLOCK.一播有少少敏感的新聞話提BLOCK!再不停loop本地的新聞...話比好少返大陸的人聽...宜家大陸主要播幾個香港的廣告.1)ICAC廣告 2)反洗錢廣告...真係悶到你傻q左
再講出街
其實係大陸出街可以有咩娛樂呢?如果你唔係爛玩的人其本上係無娛樂可言.爛玩選擇: 落Bra飲酒,落d 撓頭,去所謂的髮廊"洗頭"(即係叫G)...
健康少少的節目:按腳(極平但係日日按按到你腳都爛),桑拿按摩(按全身,但都幾浪費時間而且唔係間間都係正經,去錯場你就煩了), 近年多左的SPA(又係果句,日日都SPA?皮都爛.
民工節目:逛街(普通話)...對於一個香港人黎講行下街唔算節目...佢地可以日日行,又唔買野. 打電玩(普通話)...你大陸的機檔, 真係平,一蚊,五角就可以打...不過舊到傻..仲有..d制永遠都係壞的...仲有一個好好玩的節目(民工認為)就係去"村委"睇電影...我都曾經停低過睇佢地睇緊的電影..每個人都睇到眼甘甘...但係我睇左三分鐘就知呢d節目係幫人"洗腦"典型的紅色思想節目...再睇落去我會嘔或者笑死.嘔係劇情真係好假每個都係教育佢地點做好一個黨員,笑係笑佢地真係老土到傻...
所以基本上唔係一個爛玩的香港人,係大陸基本上正經出街的節目有三:食飯,買日用品,按摩/按腳.

買Sinomax的港女

其實用港女去形容"香港典型差的女生".好多女生都幾反敢.有時不能以偏蓋全...
尋日去實惠諗住買返個同款的Sinomax枕頭返大陸用.見到一個好搞笑的情況.我去到的時候已經有兩個師奶級港女係到(應該係果d眼角高自己條件又唔係好,最終嫁唔出的中產).我一去到就選好款式準備比錢.個sales問我地夾唔夾單一起比?買兩個夾單比有85折.咁我就話ok呵,無所謂啦,但係佢地介唔介意.果兩個師奶見到我咁快買到就好快咁決定左...不過問題就黎啦...
師奶A:我想比credit card喎得唔得?
Sales:無所謂嫁,你Look Card,你叫佢地比返cash你.
師奶B:咁不如我Look Card你地比返Cash我.
(靜左一陣)
我:唉~~唔知你地邊個look啦,我拿現金出來,你地邊個look關我咩事?
師奶B:咁我自己look card廢事益人.
咁我就同師奶A一起夾單佢look卡,師奶B就自己一個look Card.最終的勝利者係邊個?其實得我同師奶A...仲有Sinomax..最低能就係師奶B..加多果幾百分credit card的分夠唔夠一個幾百蚊的枕頭打85折咁好呢?斤斤計較到暈....比佢激死

差d就係醫院過倒數

訓訓下,突然肚痛...痛得好緊要...一入到toilet問題佢又唔係即刻出黎...但係又得好緊要...痛到我標哂冷汗..成身都濕哂不斷咁震...不過涯左十幾分鐘...好痛...真係好痛...不斷咁標冷汗..仲有d暈..想叫Chan過黎送我入醫院...真係頂唔順..痛得好緊要...我的意志話比我知我一叫入醫院就大q獲第一好多野都會停止...而我就最少係醫院幾日咁q凍...一路係到忍...忍下...下面開始all...all出黎d屎好啡.應該唔知食左咩所以排出左身體的毒...係咁呵..呵..呵...開始無咁痛...而且個身體低溫的現象無咁嚴重...可以起身去食喇叭牌...希望無事...如果唔係就真係要係"醫院倒數".

普選的隨想

睇到新聞廢除2012普選的希望.
其實呢件事的發生都係我意料中事.又係先至聲明我明乎其實係一個極愛國的人.如果國家有事用得著小弟,小弟絕對會係"死就死"果隻.
話雖說係我意料之內,不過聽到的時候我真的很難受,感覺就是"肉隨針板上"個感覺好難去令人接受..好明顯係有計劃有報局在內.第一:係聖誕佳節人人快樂的時間報出來...香港市民只會固著玩...真係關心政治的又有幾多個?
第二:中央其實係怕萬一,係"萬一"香港落入果d"亂港份子"手中而不斷推遲目的其實好簡單,就係要有充分的時間去幫下一代有'選票人士'"洗腦"...真係一個既又唔大方又怕死我做法...現在我新一代其實已經係無能十分,無必要再去幫佢地洗腦,佢地的腦中只有溝女,遊戲機.
第三就係真心想香港穩定.香港唔穩定在於面子問題...令佢地好無"飛屎".所以一定要搵個聽聽話話的應聲虫就得了.如果比個長毛去做佢地仲有"飛屎"既? 搞到本來繁榮的香港由英國佬比左佢地就卜左街..."以後仲使出來行既?"所以唔理用幾多錢又好,用自由行,資金直通車咩都好,都要保著香港....其實又係一個又保守又唔大方的做法.講真邊個會想香港死(除左英狗)香港人:唔會想香港死...香港死..香港人自己一樣都會卜街.大陸人:一為飛屎二為氣,香港買野咁方便..而且亦都係佢地"收錢出錢"的好地方,正宗係一個身體的口部...又點會想香港死.其他國家其實都有好多投資"壓"係香港充其量都係得英狗,同果個所謂的國家"新加波"如果香港掛左最大得益.
Anyway.廢左普選,今次香港人的反應,應該都無咩,因為佢地會覺得對佢地無咩影響只要中央繼續比糖佢地食...不過我們有沒有想過我們的下一代會沒有了獨立的意想沒有了自己的主見..每個只是盲目地愚忠自己的國家...而資訊的限制..到所謂的高清電視出台之後我們親愛的香港人就會見到什麼是資訊限制...岩聽的就比播,唔岩聽的就話你犯法,咁樣不是愛國只是本末倒置,呢套已經係大陸Run左好耐,所以有時我地同大陸人溝通唔到就係因為咁..佢地係不知不覺間已經比人洗左腦.而極抗拒比人洗腦的我.選擇不看大陸的電視就是防止最佳的方法..我真不敢想像我們的下一代可能人人袋中都有一本紅色的記事簿...