Made in China

對於一個變左係內地生活的人來說...我可以話格格不入,因為我真的溶不入內地這個特別的社會,但我不太抗拒"Made in China" "中國制造"這個名詞.因為在國內都真的很難找些到一些真正外國制造的東西,找到了都是天價.我倒不如回香港時拿回來還好.就用PS2來做例子,一部PS2在香港大約800-1000蚊就可以買一部,但係返到內地多謝成為1600-1800仲要係人民幣.大部份就是因為內地的稅率高企,雜費特別多.一講雜費就一大堆,就開一間公司,疏通地方官員就小不免,再黎稅局,公安,消房,環保.這些特別的費用係香港就用不著.講左咁耐廢話都仲未入正提.
本來我都唔係好相信"Made in China" = 質素差. 因為本身都係國內做生意見過很多大廠.亦見過很多高質量的大廠的所謂"出口產品"於國內專做出口單的廠質量比國內的高出好幾班.但是當我係國內買貨買了一斷時間...其實這些都只是門面功夫.實際上....
前幾天,大陸家中牆身的電制壞了.一向很多事都是自己動手的我,當然會自己來.就去買電制自己動手...不過螺絲一轉入去,買了一次破..第二次破...第三次買所謂的進口貨...都是破....算放棄...返香港買先整...可能是我的技術不夠吧,但換一個電制又所需要什麼技術呢...
再來...自己駕的車...一向都有做例行檢查....拿去洗車時順便叫佢檢查.先不要說本來就7點交車,到10點先有得拿...洗的時候又說沒有機油要換所謂"澳洲機油"(我一看就知是那些所謂出口廠制造),水箱水要換"水箱保"等等.沒有所謂,幾百蚊換吧...拿了車後..用了兩天發覺水溫其高,而且一路行一路有水出來...就知水箱應該上得不緊...自己撫撫個水箱制.破了...就回去找他算帳...他敢說:"是你自己不小心搞破的"...我連換個車太都唔識...我點可以整破呢..我話你換吧,要多少錢你出聲吧.他就說:那個膠塞就不用錢,但你水箱保全都流了出來,又入過要收費50元...我回答他:無所謂呵你要收我錢就收吧,但你以後不會見到我.在我威迫下,終於屈服,到現在我都不知他有沒有入水箱保入我的車,因為沒有可能看著他搞幾小時吧.這些人做生意有良心的嗎?
搞完水箱保後..我就知道那一家保養是不到家的.都是拿回原廠做全面檢查保養...當我拿回去交了800元,換了一大堆我不知名的零件後再駕上手,感覺好像和沒做的一樣.之後晚上和朋友一起駕車去按摩的時候....那時車速應該是約40公里...還有20米就到高速公路突破,卡一聲,部車好像完全不受控一樣..我當然努力去穩定車身...最後安全停下來...想再開動車子.但是左後輪好像像給卡死一樣....我當大怒,早上才拿去倏完全面檢查,晚上就出事,仲要咁大獲.打佢保養卡上所謂的24小時服務電話..打了一個小時不是沒人聽就是打不通...我當然同時會找付近的修理公司先應付面前的難題,之後再和他算帳!找到令一家的...但朋友不知用什麼神通找到原廠的首席技術員.我當然破口大罵!我和他說如果我不好彩現在可能已經那醫院或者去了報到.這時付近的修理人員已來到.他搞了幾下車子就開得動.我們都估計應該是hand break較得太低...但我又沒催促他交車..給他充足的時間去檢查+修理.而且我亦沒有和他討價還價,你說多少就多少吧...但最後的結果...
說了這裡..其實都想說...根本就是現今中國工人的質素..真是低得要命....工資就想高高,工作就要少少...但係so far output出來的又是什麼呢?你們有沒有想過...你們值嗎?

請支持7號陳方安生

剛剛睇到陳方安生果區的立法會補選.陳方安生的Blog.
先至聲明,我絕對支持中國中央政府亦好支持共產黨,如果任何國家的事要我為國捐軀,我眉都唔會動一下就應承.
亦聲明本人都幾少留係香港,更加唔係果d咩自由黨,民主黨,民賤聯的人.
但係睇到近年"香港政府"所作所為真是叫人作嘔.每次當遇上阻礙的人/異己人事.亦是反對人事...反派的人就自自然然會比報紙各大傳播"發現"大量的醜聞.反對的人就會暗然退下.呢d心水清的人都會見到.好奇怪果d大大聲支持政府的人,無論做咩事都好似無人發現一樣...再唔係就用駝鳥政策咩都唔知咩都唔講,吹咩...
所以唔係因為鍾意陳方安生以去選佢,而係因為要話比呢個政府聽你係唔得支持的.走去搵個低能的"葉劉掃把頭"出黎講兩句對唔住就無事發生?想當年23條立法的時候要風得風就得得戚戚.之後比人一棍掃落台就即閃人,宜家要選票就出黎講話當時身不由己? you are too naive!

垃圾的中國IT人

今日終於要自己動手整公司的電腦.
我真的受夠了,在大陸咁耐,每次找人上公司整電腦.每次都要收費,但係換來只係整唔好,或者唔有得整.再或者就是整好一星期之後又壞.今晚我的起心肝自己去電腦市場買一些配件,諗住自己動手整...今次都唔係第一次..都係第N次.大陸的所謂IT人都係識得,打下機,玩下QQ,打下字,部機壞所一開始就話hardware壞要換什麼什麼都是說錢.之前公司的電腦又壞整了幾次都整不好...都是自己動手吧..一次就斷尾,以後好少再有問題...
我聽過一個好好笑的例子,有一家公司我Computer Support同我講,唉電腦少少病毒就實有嫁啦,差在多定少.如果你係我公司的Support,即刻比信你走...我接受唔到少少Virus係我的電腦到.一有Virsu即係有危機,即係要清左佢.身為一個computer support竟然可以接受自己support的電腦有毒?sorry我不能接受.
我偉大的祖國,賣相同的東西有很多,亦有利害的人.但不好意思我遇不到一個真係勁的.每個人有少少料就以為好勁...會負責任的人更少之又少....點解會咁講?
因岩岩打開機箱的時候...本來果部P4 2.33, 1024M RAM 的電腦...突然變左Celeron 2.33, 512M RAM.很是氣憤.原來有一條512M RAM 就橫放係部電腦到,根本就無插上去.唔係好明點解唔插,令外CPU已給人偷龍轉鳳...中國人...有少少利益就去做...唉..身為一個中國人自覺有d羞.有些瞼紅...

PS2的實驗

我都有好幾年無再玩手提遊戲機,電視遊戲機等等的玩意.一向都認為呢d野好無聊又浪費金錢,只係玩電腦的Game因為一來唔使錢,二來電腦的用途好多,除左玩game,工作,聯絡等等都可以用到.所以一路相伴的只是電腦.對上一部自己買黎玩的機應該是Saturn吧...那個時候應該是1998的事了..因為果時Virtual Striker98剛剛出我又玩到幾沉迷.但係買左返黎又唔得閒玩..玩左兩下又放埋一邊...之後再賣埋部機...真係只係玩過VS98....之後真係覺得好浪費錢又好無聊...
今次機緣巧合下有部PS2要放係身邊幾個星期,睇睇下唔玩好似好浪費,無理由唔玩嫁..
係香港一開機..玩左十分鐘..真係覺得好無聊..低能的..一路行一路打...有d又係咁係到狂拍個手制..有d仲傻...係到jor來jor去果d打交...係香港我開部電腦上網同人connetion打下射槍射死下人好過..打左十分鐘,收機收皮!
之後走私左返大陸,準備儲齊成套就一次過send比佢,費事又好似notebook咁續part續part咁send比佢一陣唔見左就煩.就係咁就拿回屋企放係到,都無咩感覺.見到都唔想打.今晚訓訓下又訓唔著個腦真係實實地.起身睇電視又無聊,係大陸上網又咩q都做唔到,打online game又慢到卜街..download game就更加唔使講,download個game無一兩個星期都唔使玩.不如開下部機黎玩...一開之下...又幾好玩喎...其實同係香港都係玩同一個game...我玩左兩個鐘都唔捨得放低個手制...就咁樣就4點...望望個鐘..我聽日有個重要的meeting喎...仲唔訓唔使做?
一放低手制..我就覺得...點解咁奇怪..前日我先話打PS2真係無聊..有咩好打?問題係在於原來係有無更好的野比我選?係香港太多野我可以選,但係係大陸好似真係無咩娛樂
電視我就一向都唔睇.電腦本來可以做很多野,但係係大陸有等於無.書報紙,更加幫你洗洗個腦睇得多都變白痴.無得選擇而我自己又唔鍾意出去we we wetwet之下.我唯有留在家中"呆".近來充其量都係係internet到睇n年前的comic 黑豹列傅...真係好搞笑...黑豹應該係1989年開始寫..果時我得9歲係呀發同呀輝開始睇,,所以我又睇下..睇睇下佢地無買我就無睇...估唔到今時今日又睇返...奇怪.真係無聊得咁緊要?..我完全明白左,原來香港咁多"機神"原來佢地的價格觀在於其他事都係好無聊打機就最緊要...當你無選擇的時候原來打機都係好好玩的.哈哈...比左呢部佢我又買返部放係大陸先.

失眠

又係失眠的日子...
已經唔記得左幾耐未訓過一餐好的覺,可以一訓上張床到就訓得著,一有知覺就張開眼.
唔可以話我壓力好大,講話無壓力又唔岩數.係有大量的工作要我去做,但係就沒有大量的金錢去做.無計,生意現金的流轉好重要...未返來就係未返來都無咩計,點計條數都係一樣.最唔鍾意就係無助的感覺,但係無助的感覺永遠相伴...

結婚時限

27-30歲...個個都趕係30前"拉埋".世俗的眼光真的很可怕...
進入適婚年齡,身邊的朋友一個接一個地結婚.
最先來的是腸仔,再之後chan同我講,邦同美神都會係2008年底結婚.呀爺又planning緊.言者無心聽者有意,我一聽到呢段說話,我個心真係好痛同佢講:"對唔住,我選擇左事業".
真的我選擇左事業,用左我所有的資金去建立我的王國,完全無諗過你的感受,如果我唔去再invesment 去公司唔去幫我唔應該幫的人.我手上的現金已經超過一百萬,夠結幾次婚.但是我沒有咁做,因為我要有成就,對我自己的人生有交代,亦都要固合身邊的人.我唔要自己是一個平凡的人.對你永遠都係最唔公平...講完之後我個心的壓力未有因此而減少...說真的現在那麼多人結婚,我敢說現在十對人結婚,約干年後他們一定後悔,可能只有幾對留下來,什至沒有,只留下無盡的後悔.
他們男的見過些什麼?看過這個燈紅酒綠的世界嗎?好像沒有一個人看得比我更透徹.女的又看過什麼?幼稚得真的認為永恆的愛情永垂不朽,可歌可泣的愛情故事在這世上嗎?實際上,一年?兩年?十年後呢?二十年後呢?到最後一紙的婚書變成無形的家鎖.大家互相節磨至無引散場.
君不見我自己父母就是雞肋互相節磨,浪費時間,既然是唔岩做咩唔行街?再望望妳的父母,老豆有老豆玩,呀媽有呀媽沉輪.再講呢一代,我二姐結婚4,5年就睇到佢另一半的真面目,辦緊離婚反而型仔d,更黎得干淨利落,再望望大哥結左婚一年都未夠睇到佢就覺得傻,明明自己結左之後已經後悔...就是一紙婚書...要面子,唔衰得.愛就一起唔愛就收檔咁樣唔係黎得更貼切嗎?今日咁樣寫,唔好彩的話,可能有很多古老石山群起而圍攻我.但是事實勝於鴻辯.十年後睇返呢篇Blog自有分曉.

有幾愛?

常常聽到人講我有幾愛有幾愛對方就要生要死.係埋一起兩三年就話"係埋一起好耐"
試問你又有幾愛佢呢??粗粗地兩三年就叫好愛好愛無左佢唔得.又話為左佢咩都可以付出.但係真係咩?當佢要你的全部包括你的生命?會嗎?我想未必.但我同chan的十三個年頭,用有幾愛去形容我同佢的關係其實有點兒naive.如果有朝一日要用我的生命去換chan的生命,我毫無考慮會肯首,而且亦當有一天我再次失去chan的時候我想生命的意義好像完結了.亦都再無意義留係呢個世上.
今日突然對著鏡子,發覺真是賤肉橫生,邪氣滿面,係我面前只是一個道貌岸然的魔.對我的確做了很多埋沒了我本來純真樣子的事.有一天爆堡的時候將是我再一次清袋的時候,包括妳在內.對,我做錯了.我認.但我有得選擇嗎?好像沒有...每行一步都是有不同我動力推我行這一步,很多事都不是我可以控制當中,這樣說很不負責任,但是這亦都是一個事實.
當每次我做完錯的一件事都會眼光光等天光,內心真不好過.