泰國甘悶

還未想到泰國竟然是一個甘差悶的國家.除左熱仲係好熱今日35度. 一出機場果種樸過來的熱風吹在面上…即時..出汗. 更想不到的是泰國很多地方有wifi.不過全部都要用身份証登記….連係高級同如holiday inn呢D國際酒店都係wifi要申請….wifi的用意係咩? 就係方便..要申請即係已經唔方便…真係痴線. 再加上到處都有一陣渠水的臭味…死未?又係一個鬼地方.

泰國時間11點即係香港的12點.同房的兩個女生已經乎乎大睡…他們應該是累壞了. 她們一到就立即沖涼晚飯都不吃就上床睡了….不過拿得最多東西的是我.最辛苦的應該是我.但我還在關了燈享受一下短暫的寧靜打打blog. 執拾一下今天的東西. 突然想想…剛剛chemlist說她今天早上4點就要起床上機好辛苦呵…想一想我這個非正常人類..我對上的一次起床已經是前天正午12點就事情….數數手指..我已經36個小時沒有睡過…本來上機前想睡5,6個鐘但是睡不著….上了機想睡他好媽的2-3個鐘又是睡不著…我頂…最後..今天真的很呆…

剛剛在泰國的街上走.正如很多男人說泰國是女人購物的天堂,亦是很多男人偷跳的天堂.但又好像對我不太合用…到現在這個時間我最想做的不是愛…我是想找個正式的泰式按摩師幫我拆拆骨…但我留意了很久.原來10點後街上的行人明顯少了很多亦都看到很多店是只是開10-22. 所以剛剛只是草草吃了個飯就跑回來.很想找人拆骨.亦想跑出去上網. 更想出去買一些正常少少的食物. 但這個亦是我不喜歡和別人share 酒店房的原因. 我一出去一定吵醒她們.我知道自己不太正常.但不可以阻住個地球轉. 所以決定乖乖呆在房中發下傻.

悲觀的晚上

已經過了不知道多少個這樣子的晚上.於極度寧靜的深夜, 不想打機.亦沒有'工作'可做. 細想著自己下一步應該怎樣走? 但想來想去的結果都還是一條死胡同. 我想出來的方法沒幾十都可能有幾百個.不過好像走不出的現在面對的境況. 但再一次想到入去死胡同的時候. 可能我就可以昏昏沉沉地睡了下去. 第二天起來還是要過正常的生活.還是要'應付'突如其來的'工作' 亦可能是百無聊賴地過幾天. 不過現在開始有點怕太陽下山的情況. 因為黑夜的來臨, 在晚上想出來的事情每每都是各著負面那邊傾斜. that's why 很多家庭的慘劇都是在晚上發生. 我亦明白這個道理,對這個道理可是'精電主席' 寫出來. 其實我本來就是知道. 只是晚上的感覺特別寧靜.亦都不會突如其來給我一個小時20個電話來... 不過已經過了很多個悲觀的晚上. 不知道自己什麼時候會累下來真的睡進夢鄉裡. 聽到肉子乎乎大睡, 看到兒子微微笑地睡. 就想說有時傻人真是有傻福. 一倒頭就睡下去了. 

made in china的沒落

近來係大陸的感覺就係. Made in China 的神話已經接近完結. 還記得很多年前講的:唉呢件野Mark 邊到邊到生產.其實咪又係Made in China. 不過隨著大陸生產的成本不斷上升. 人工,租金,原料,貨幣,policy沒有一樣是不上升的.....而且Made in China 呢三個字對於好多人黎講(包括我) 都幾恐怖. 接近所有自己用的東西都盡量避免Made in China. 因為基本上made in china 就=不耐用, 質素差,食壞人 極多負面的因素. 不過細心想想唔made in China 可以made in 邊到? 甘又係... 

全身都痛

尋日10點幾就訓了....訓了一個不太好的覺...整晚都不斷發惡夢. 今天一起來.當然是鼻水長流...傷風感冒對我來說已經是小事一件. 最慘的就是全身的肌肉都很痛...肌肉痛都唔緊要 . 最大獲就係訓禮頸...病+肌肉痛+訓禮頸. 大雜會..oh my god. 正常人黎講今日心情肯定唔會好...呢點我都幾正常..心情超差.有一部份的正常人一定會sick leave. 不過我就不太正常.最少我的工作能力沒影響,工作態度都叫正常. 但係真係好鬼唔舒服...頂到5點真係頂唔順.返屋企食double些痛加收鼻水,沖完個熱水涼...舒服哂...真係好想去找個美女去採一採個背,但係返左屋企真係唔想再出街...想去淘寶買個岩用的枕頭快快趣趣代左宜家呢隻垃圾海馬牌, 枕頭既野係網上睇好靚不過好靚唔岩你用都無用的 . 本來果隻sinomax爛鬼左一早知.又唔想買過隻.又諗住香港有兩隻拿返一隻黎用.但係拿左一隻老婆咪無得用? 一陣佢訓到唔舒服suffer咪又係我. 前幾日去左始創睇到隻岩用既又想買返來用.成4舊水一隻....果時覺得好貴.又要山長水遠帶返黎...不過宜家你叫我比5舊我都覺得好平... 

有句野成日都係我腦入面

前幾日聽左內子講:都唔明你咩價值觀,走去慳果幾蚊煤氣電費. 但係之後唔記得左.成日都想記返起後面..不過點都係記唔起....佢的意思係我走去慳d雞毛蒜皮的小數.但係就走去omit左d大數...又好似係.但係又好似唔係...其實我的原則好簡單. 應慳咪慳.唔應慳咪唔慳. 有無需要好緊要.好似煤氣甘.既然我無需要去沖熱水涼.做咩要強迫去沖? 就好似PS3甘既然我係想買又想玩.我自己又擔得起既做咩唔買? 近來成日都想換電話. 原因? 覺得部機好慢又hang機. 但係睇哂出面的機唔係ace2 2200蚊 就S2 3500蚊 , 再唔係就S3 4600蚊....咩價錢的電話我諗我點都會負擔得起.不過考慮左好耐都係選擇唔買. 唔係錢的問題,係我宜家果部又唔係壞,係慢少少. 之不過買左部新既係快好多,不過如果唔小心跌左落地下就心痛到爆. 下下都要就著就著黎用, 最鬼憎.
而且自從有左日藍之後, 我的心態好明顯係盡量都想自己慳d留返多d $ 投資, 帶比內子同日藍更好的生活. 有左日藍後的生活真係好簡單同埋真係好慳. 都真係連按腳果60蚊都唔想去. 日日留係屋企食公仔面算....之不過最後一包的公仔面都食埋...又唔鬼記得帶放係office雪櫃的廿蚊大pizza回家食. 今晚係要食餅干既@_@無計宜家大陸d野真係貴到唔正常...呀如都暗示過好多次想加人工.呢d情況我當然扮傻啦...大佬公司又唔係好景. 我手上雖然有不少的現金 .但是那些現金可是我的'老本'. 就算自己唔食,但我點都會留返比日藍第時用嫁? 更加無理由無限去支持公司的運作.
有時我都唔明.其實自己都幾想去比人按下摩.不過一想到按一次腳要成60蚊. 按一次摩要成兩舊水...兩個都不是一個大數目. 但係一想到不必要的花費就諗:唉返屋企食野打下機訓覺算數. 看到鏡頭中的仔仔,真係想樸埋去抱著佢. 但是我可選擇的option 真係唔多. 

好人的定義

有時...成日都想成個家庭齊齊整整地.得到'平衡' 更寧願自己做多些,出多些,主動一些. 更加係唔考慮自己的感受.只係想身邊的家人都感到幸福快樂.
但係好多時都是事與願遺. 更加多的時候是好人難做. 對著這個我不太清楚的'人類世界' 作為普通外星人的我. 不太識應...只是好人難做.

預計之中

沒趣一點都不陌生, 因為一切我可以的掌握的事都差不多在預計之中.

今天食lunch的時候,收到一個一早預計到的消息: "上一年公司虧損了百幾萬港紙." 之後所聽的原因亦都在預料之內. 差不多一切的事都逃不出我的預料.只是百幾萬這個數比我預計之中還要多. 我不會去追究原因,為何?點解? 都變得沒有意義. 那一個正常的老細都會開始做補救的工作吧? 不過我是一個不正常的. for 我黎講.22歲出黎做野. 到今年岩岩好就十年. 我擁有我現在擁有的東西,我已經覺得'超標完成'. 而且我不是不想去做補救的工作,只是我真的'做不了'.
更重要的我所說過的.就算你係去死我都跟住你去死嫁啦.只不過等你無死得甘辛苦啦. 不過我現在有了一個麻煩的家伙.無法子. 我現在有的,應該足夠供養這個家伙讀到大學既. 都好既.到時佢就要食自己 !! XD~~