決一死戰

過多幾日就要同佢決一死戰.
呢一日我真係等左好耐,我要你地"敗陣!"
呢幾日個心情真係好興奮,好耐都無咩可以令到我有緊張的Feeling,對上一次應該就係我急回馬來西亞的一次.每次開展會的日子我不太興奮...不可以用興奮形容,是沒有感覺,因為真的沒有什麼感覺,一切的事物都在掌握中,但是今次太多變數,亦都有王子復仇記的味道,雖然我不是王子更是一頭野獸.但是埋藏在心中的憤怒終於可還返比你地.我亦唔會放過你地.

超忙的一天

8:00:起床
9:00到Office,教左麗佢地點做桑拿棍.睇下佢地做,自己又落手落腳做.
10:00未到,搵能叫佢一起去白馬行下,點解搵佢?第一唔係好識白馬路.第二果到停唔到車,第三白馬治安真係好差.不過佢又話肚餓,去鯉魚門飲左15分鐘茶,Turbo食完野閃人.去到白馬高速咁掃過一次成個場,大約都知有什麼賣,有三至四間d野都幾岩拿回香港賣.但係我主要係黎搵靚的公司制服,終於搵到間好野.18蚊件勁抵.搞掂.返公司做野.
13:00返到公司handle埋d日日都要做的工作,訂下貨,計下數等等,做做下,唔記得左仲要入瓶,同埋生產桑拿棍.又開始生產...一路做一路生產...好容易又到到15:00...
15:30 CiCi果到d貨又要去提.咁岩能又要去果頭.又上路去黃石.去左能果到然後去CiCi果到搞清楚d野,找數拿貨.再去興發車埋少少貨,比埋少少錢.打倒回公司.18:00
返到公司剛剛坐下...桑拿棍原料條友打黎...又係喎...唔記得左訂左料...又要去過拿料.拿完超肚餓食返兩個KFC雞堡,兩隻雞翼再整杯新地...好飽!!..拿完回來...20:00.
剛剛坐低係公司諗住埋數..埋完數就生產埋少少棍...點知麗個婆婆入左醫院佢想去探佢...想我車佢去...算.又好...車完返到公司21:30...開始做今天的最後工作...做完22:45
好累好累..返屋企,沖涼坐係張按摩椅到做面膜...真係好舒服...做完面膜個面好正!!但係...要茶"安美露"...d肌肉真係好痛..真係透支得太勁...0:30
訓!

71?慶祝?

今天是比較難過的一天,剛剛chan的離開,加上節日的喜慶,一開電視滿電視都是一些熱烈慶祝的節目,與我一個人靜靜地留在家中工作的工作,忙的忙,呆的呆.真是百般資味在心頭.強烈的對比真是...另到自己有d可憐的感覺.
當Magicboo時代以前的時候我,一有呢個感覺的時候,就會即刻返去香港感受一下自己的存在,感受一下存在的價值.得到別人的認同.但是好多年前一句話:點解我地做生意的人會發達,我地就係克服到普通克服唔到的問題.受到別人受唔到的壓力,可以係別人完全頂唔著的境環都要頂得著,雖然講呢句說話的人佢自己都唔係好成功.但係佢講得好岩,我要完服到別人克服唔到的問題,受著別人受唔到的壓力,最後我未必成功,但係最少我做好了本份.我真我克服了孤獨作戰,亦習慣了危機四伏亦處之泰然.但是仲未夠.就是心累,心累左好難有動力去做事.就算我強迫自己去做,都是做得不好.動的只是手腳腦,但心中百個不願做.中有百個千個不願做,我都是要做好.
今時今日進入Vee-Man 時代好多野唔到我話"唉!算數遲d先做"    ...sorry唔再遲得,一諗到咁樣就推自己行.唔可以我一個人阻著整間公司的行動.我唔可以慮街坊.本身我命中就註定只可以做"神的角色".所有問題黎到我到就會終止. Problem Terminator.
訓左成日個身好懶,但是心仲係好累,算都係訓 .

寞莫讓我想起往事

一天的晚上孤獨係車上驅車回家...
係收音機入面聽到呢首歌,無什麼有名氣的歌星唱,但是真係好好聽,其實又唔係好聽得咁緊要,只係當時真係有共嗚,聽到呢首歌好多往事都湧上心頭.一刻間所有辛酸的往事都出了來,有些想流淚的感覺,一下子我又吞回肚中...訐多往事都湧上心頭.
返到屋企,想用歌詞找呢首歌又搵唔到.放棄,美好的野都係一下子就無...

實業和吵作

好多人話香港點解會有今時今日的困境.好多人話以前香港咩都無反而經濟起飛咁快.宜家香港又有呀爺照著,本身又大把有錢佬.點解仲係好似就死就死咁,其實真係就死!香港今時今日表面上睇落去歌舞昇平.好多人加人工又好似經濟再次起飛.我又唔覺得香港可以有咩希望,
其一:政府的無能,政府其實可以做好多野去搞起個市,但係呢樣又驚,果樣又要申請,那樣又怕,最後咩都無唔成.
其二:外圍因素,以前邊有咁多其他地方同香港同香港爭飯食?近的有深圳廣州澳門,遠少少有新加坡,馬來西亞,台灣,再遠d有Newyork等等
其三:本身香港人已變質,以前食腦又有膽識的香港人已經唔多見.無腦的打工仔又仲以為自己係天之驕子,呢樣又唔做,那樣又辛苦.最後淨返少少真係搵到少少錢的人,經過幾次的經濟大起大落,知道好天搵埋落雨柴.搵埋搵埋唔敢使,但係呢個只係一個惡性cycle.搵到錢唔用,錢放係到只係死錢.搵到來,但係唔花即係經濟無活力.最後只會整個零售market都 whole family die
最後亦都係最想講的,政府,商界:下下都要話轉型知識型社會,都要金融服務業,聽到都覺得白痴,Service個個都可以provide到,即係人人都可以做.你做到人地點解唔做.金融更加係人人都想做.又唔使大invesment又大return的生意個個都想做.但係又係咪咁易?香港已經係今非昔比.個人認為唔變係無希望.筆者本身都係做Trading,但係愈做Trading就愈覺得做Trading係比人地拿著比人地壓著.點解唔自己做?自己做的野自己先可以control到,由設計,成本,生產QC都可以自己control好過自己公司有意念,再叫大陸廠design,出模具,生產...整個工序都係大陸等生產成本低的地方生產出來.最後人地一個唔該比埋其他人...好想問下.一個問題今日香港所謂的金融服務業,如果無基本的實業型去支持呢個行業?咁可來賺錢何來有product?筆者有一天同個朋友傾計之下,筆者用朋友講:今時今日炒股炒到咁風狂其實影響個社會好大.好簡單一樣野,如果個個做生意的人發覺原來炒股好過你做生意做到PK多多聲.炒股只係拿現錢出來,炒幾天可能就有100%回報,做生意可能要兩年.個個做實業的生意人都去炒股,無實業何來有得炒?所以今時今日香港應該引更多實業型的工人密集的生產.好多產品係大陸和其他地方生產根本無可能control好的質量,對於要求高的product香港政府係咪認認真真咁引入香港呢?雖然剛開始的時候可能會撞板,仲可能真係要頂著..但係...實業先係最重要,仲可以解決香港精結的問題.

PS:本身寫左經濟衰退輪廢話講全球經濟(Especially China)都係到倒退緊.但係唔小心拍左一下del咩都無哂,有心情一定再寫返

監禁三日

原來係大陸的生活,我已經慣左有車的生活.
今次呵能撞左部車要拿去整三日,今日係第一日我已經感到好唔方便,最少肚餓又唔可以出去食野,想出外吹下新鮮空氣都唔得.聽日公司無電,又無車...真係要係屋企過三日?其實我可以選擇返香港,不過最慘claim保險又要我個身份証,即係邊到都唔使去,留係屋企食蕉.
不過剛剛諗起,原來我都幾受得苦,由岩岩開始的時候咩都無,正宗連住的地方都成問題,到開始有住我地方.再解決行的問題.由單車->電車->摩托車->玩具車,真係一步步咁上.到宜家駕慣左車,真係再次回歸到咩都無又係唔掂.
頭先睇睇下電視,睇到蘇x風講左幾句,佢話年少得志的人通常都目中無人.我已經係年少得志的人不過係過去式.但時今亦都變返年少失志的人.不過我會再次目中無人起黎...

廢

剛剛食完兩個出前一丁,一排朱古力,一支葡萄適,再加一杯啫喱.真係好飽好似好幸福好滿足,但係望一望個鐘--早上6點.是幸還是不幸?
一個鐘前仲睇緊精彩的皇馬球賽.皇馬前就係大富翁;大富翁前就是"28周後";"28周後"前就是"神奇4俠";"神奇4俠"前就是和家人食飯,家人食飯前就是和chan 去拍拖,聽上去應該不是一般人前所未有的好生活,但亦可以叫做廢人的生活.
Chan 問我係咪唔鍾意佢買新電話?係!我係唔鍾意,我只係介意個電話唔係我送比你,要你比錢自己買.我亦都好介意我同父母食飯都要你比錢.我亦好介意去街事事都要你出錢.我唔係一個大男人,但係我絕對唔想做一個廢人.我要比最好既野你,你想要咩我都會比你.但是今時今日的我,真係困境.困境的唔係手上無錢,係唔知幾時要拿更多我錢出來.我自己不捨食不捨穿,就是不想我要用錢的時間沒有引至公司覆亡.雖說當日我手頭松動時,要burberry買比妳,要Ring比你.要咩就買咩,要食咩就食咩.但係搞到今日的田地,我真的不慣.亦不甘心.
今日甘多件事,件件都足以令到我訓唔著,我又點會訓得著.但係訓唔著又可以點?唔通成世唔訓問題就會解決?