我在CIC紮鐵的日子 第三天 先招聘後培訓騙人

每一天都在大門前想幾秒我還涯不涯下去? 以我的收入我沒必要去涯著這些苦. 不過我還是想証明自己仲未係老仲得既. 紮鐵有咩甘辛苦?我唔相信我唔得.

加埋今天已經悶了第三日了.如果比著其他工我一早就閃人.日日係個班房呆. 雖然有二百幾. 但係二百幾連我食飯都可能未夠-_- 今日收到CIC既一件風褸兩件長衫兩條長褲一對安全鞋.老實講我收到果一刻真係幾開心.因為我都好耐未試過收別人的禮物. 而且每一樣都是有用的. 最重要這些物質都是出自腐敗的政府.更來得高興. 我在班上已經努力去隱藏著自己.盡量做到同其他同學差唔多. 但有時見到d野真係好嘔血...填張form都唔識填-_- 所以都忍唔著出左幾句聲.

聽左呀Sir幾日肺腑之言, 其實他的態度這裡更像一個更生中心. 把一堆社會上的..不要說成垃圾. 就是一班比較下層的人去培育成一群有用的紮鐵佬. 說了幾天.其中有一些都幾有用. 當然亦都有一些不太中用的. 這個呀Sir 如果在外面應該是一個很好一起工作的同事. 永無say no. 在這裡可能是魔鬼教官吧? 不過我自己亦是一頭魔鬼沒資格就別人的事.

但這個呀Sir講左其中一件事...我真係都幾好彩. 佢講出'CIC先招聘後培訓計畫'根本就係D建築公司拿黎騙人的計劃.用'免費'的價錢(因為政府有補貼) 去請一班想學野的靚仔. 但係入到去根本就唔會教佢野.只係會不斷叫佢做搬運..到做夠半年計畫完結咪byebye.再請過一班新既...先招聘後培訓的紮鐵班中工合格率竟然係零.而我地呢d正常學野的班合格率100%...嘩...真係黑暗到暈...之前都有好多個先招聘後培訓的計畫叫我去...其實我都覺得會騙人.所以無去到...最終都等到CIC. 唔知叫好運定唔好運. 可能再過多十年先知.就正如我十年前亦不知道我今天會再走回香港只是做返一個'平凡高薪的工人'.