苦差第一天

又係一年兩次的馬來西亞之旅其中一次,已經忘記了去了馬來西亞有幾多次.去到悶到傻.食野馬來西亞又無咩好食.講玩又係無咩玩.講到景點更加係無景點可言.激死人…為了生意不斷跑去這個鬼地方.係飛機上睇完戲.腰酸背痛坐隔離又唔係靚女無得望下,隔離坐著個大肥佬.佢坐係個econ位到其實都幾慘.真係要一個半位先夠佢坐.百無聊下唯有拿出notebook打下野打發下時間.今次個飛機好鬼快.3:05上機6:20就到.快左好多.但係對我來說坐係一個密室入面坐定定唔動都係一件極苦的事.呢個時間,除左打機,睇戲最好就係訓,訓唔著的話,又無野做就真係想死了-_-諗下野吧..甘既環境真係諗咩都無心情.唯一諗到的就係..岩岩係機場想買野但係真係買唔落手一個半打裝的榮華老婆餅係青衣城賣緊24.去到機場變左50.除左大家樂的加幅係比較少之外…其他都係貴很多.正式殺客.難怪愈來愈少遊客去香港吧.無咩吸引的地方..貴得很.激死.