連還重病

上個星期先岩岩病好,前幾日返香港,起程的時候其實已經好累好累,不過始終都係果句,仲以為自己係18,22歲仲係以前一口氣跑十公里,3000米比賽的"氣袋".上到火車已經覺得好唔舒服.真係好焗好焗.隔離果一對中年的香港夫妻都不斷係到講埋d費話,心煩氣躁之餘,成嫁火車都係人.搞到我動又唔係唔動又唔係.
一返到香港就開始病,本來今次返去都係想24號同d老同學聚下,25號去飲一個舊同學的喜酒,仲有時間之餘就同老婆去睇下燈飾影下相做一個老公的責任,再有時間就同d真正的朋友食下飯打下波.不過所有野都cancel哂.一個字"燒"第二日起床已經頭重重一探37.8,再探38,再探38.5.一路都係食緊4隻我自己的夠命藥.開始知道危險,考慮緊去唔去睇醫生,不過經驗話比我知,醫生都幫我唔到.去到都係比呢d藥我食.就算真係H1N1,佢最多都係比特敏福我食.最後都係靠自己過關.由38度開始我知道自己的意識開始好薄弱,盡量為持自己的清醒每個鐘都探之下,睇下一到39度就999仲唔入廠真係嚴命長?@_@
23,24,25病足幾日.係咁食藥...26號起身..成個人真係散哂...都仲係有d病尾未清.但係都係要返大陸做野.係返大陸的路上見到呀ray.佢問你病好未嫁?你個樣咁病仲上去?哈哈,無法子做人老闆就係咁.呢個就係打工同生生意的不同.打工,你病可以唔返工,做老細..你病?咪照返工啦.