千奇唔好急屎-荃灣城市中心

係部火車到無所事事,拿出手上的垃圾HPMini2133 呢部野真係慢到離譜打個字都要一秒先出，真係比佢激死。但係你裝ＸＰ佢又食唔到，一句講到尾真係唔好再買ＨＰ的野
好多野都想寫，係火車上寫就最好。因為係火車上飛機上可以做既野＝零。先寫洗手間問題，自問本身唔係一個好好腸胃的人一食完就呵。係香港街頭有時想搵個ＴＯＩＬＥＴ都幾難，講真好多人會話去商場／廣場咪有。不過錯哂。有時係商場廣場。果Ｄ唯利是圖的商人要朋賺盡所有錢連洗手間的錢都慳返。有時去到一Ｄ地方真係谷鬼氣。
一個個咁講，先講以前成日都去既荃灣城市中心。呢到最煩，所以都唔再去呢到。筆者有過兩次極不快的經驗。先介紹一下呢個商場佢大約有兩百個商戶。洗手間係地下同一樓都有。一樓果個係正匯豐銀行旁邊。有一日筆者係入面買野，突然肚痛又想去解決。好正常地我會去最近果個就去匯豐一樓果個。呢個商場女廁經常都見排長龍。女廁排隊都正常因為女仔去得比較愎慢。。但係我入到去。。。基本上都好憎呢間商場的廁所，
佢州廁格同牆之間基本上得一個身位。即係一行你要入去最入果個，如果條几巷有人就入唔到。不過個廁卯好空根本無人，心諗應該好易解決。。不過我錯左。。每個廁格都係紅燈。。即係入面兆父住開唔到。但係我又感覺唔到入面有任何氣息。即係入面根本無人，只係lock住對門。原因應該係易Ｄ管理掛。。當時已經好鬼急。就走人去地下果個。落到去你以為好順利？係呀廁格係有成行７－８個吧？不過可以開門的只有最外面果一個。
大佬二百個商戶當每個商戶只有一個客都有２００ｓｈａｒｅ一個廁格？不過我都幾好彩入面果個人好快就出黎，不過再睇睇入面，公廁都比佢好少少。唔好理去左先算，去完之後唔好以為完。咁大間商場的廁所係無紙巾的。。唔想用手？好彩我都叫做有幾張真係好彩唔係要用手－＿－！以為係個別事件？
原來唔係，相同的情況發生係約一個月前。又係先去匯豐，全關。。。咁銀行等果Ｄ人點算呢？我都唔知。再落地下。。今次無咁好彩。係全ＬＯＣＫ唔係好明點解要全ＬＯＣＫ？唔通入黎的人唔係客人？客人唔使呵屎？最後去對面千色店果個。之後發誓死都唔去呢個商場。順便講埋呢個商場的免費泊車。。去到果個櫃位出示買野的發票佢仲要影相。搞一個最少搞五至十分鐘，成日都見到泊車果隊扑排長龍。人地黎呢個高場係買野定係排隊呢？所以呢個商場咁既服務態度。叫佢去死啦！我就死都唔去。睇呢個商場幾時執。