住家飯

岩岩同賣紫砂湯堡比我果個女生傾下計.本來想買個紫砂飯堡.但係見到個價錢我就打消左呢個念頭,成兩舊水又唔係成日用.係自己公司拿=free.所以唔買算.但係同佢吹下水.嚇死我...同你好似識左一個月都唔夠...雖然都成日傾計...傾開煮飯,我話我都好耐未食過一餐"住家飯"岩岩食果餐"係"足家莊"食果餐牛肉堡仔飯+豬肺湯+淨云吞..對於好肚餓的我來講用左5分鐘食哂所有野...個casher呆左仲問我係咪好肚餓?點解你次次黎都可以食得咁快?我可以用好長的偏幅去答你:
1) 真係好肚餓
2) 同埋我唔係好enjoy你地食野的環境,如果係屋企un un 腳咁食會食得慢少少
3) 我慣左咁快
4) 我成身汗想快d食完返屋企沖返個靚涼訓覺.我真係好累好累.
(但係我無咁答佢,我只係答佢,係咩?唔係好快姐,岩岩記得我係無skip到lunch,我有食lunch只不過去左Mcdonald Speed Way 買左個餐係部車上食,用左兩個紅綠燈的時間食哂佢.應該唔使1分鐘吧)
再講返..呢個女仔..我都唔知佢係咩人..只係知道佢應該係本地人around 23,4歲..佢知我係香港人...而且對我都幾有interest.成日問我野.又話我講野好好笑成日講:"你笑死偶啦"..有時好忙的時候就會覺佢阻鬼住哂.有時無聊同佢吹水佢真係可以吹足幾個鐘...好鬼勁..佢同我講話你做咩唔煮飯既?我答佢一個人有咩好煮?拿著舊錢出街食.你鍾意食咩都得.再唔係搵個人返屋企煮,煮埋佢黎食都仲得.其實我都覺佢份人都幾open, 又幾急的...佢突然叫我去佢宿舍.佢煮個住家飯比我食...嚇死我...我話你見都未見過我.你咁叫我去唔驚我有企圖?佢話唔驚.感覺到我係個斯文人.之後再比幾個心 icon 我...我對你真係無any feeling...我話你果到係邊我都唔知...唔黎啦...訓覺啦byebye^.^就offline 先...宜家d小女孩真係唔知天高地厚...